Kronikë

Si sot 22 vite më parë, pra 13 shtator 1998, në spitalin ushtarak është zhvilluar një nga aktet më spektakolare të mbulimit të një krimi politik, i quajtur si vrasja e shekullit.

Kryebashkiakja e Shkodrës, Voltana Ademi ka uruar të gjithë nxënësit për vitin e ri shkollor që do të nisë nesër. Ajo thotë se në këtë vit të ri shkollor është ndërtuar dhe vënë në funksion kopshti dhe çerdhja “Njomëzat”, për banorët e lagjes 5 dhe 3.

Një farmaci në lagjen "30 Vjetori" ka rënë pre e vjedhjes. Ngjarja ka ndodhur rreth orës 20:30 të mbrëmjes së djeshme dhe vjedhja është kryer kur farmacia ka qenë e hapur. Dyshohet se hajduti ka qenë duke vëzhguar për disa orë me radhë lëvizjet e farmacistes dhe kur ajo ka dalë për një moment jashtë, ai ka hyrë brenda farmacisë, ku ka marrë të gjitha lekët që ndodheshin në sirtar dhe është larguar me vrap.

 Nën pushtetin e COVID-it të gjithë, nxënës, mësues, prindër apo punonjës të tjerë do të duhet të qëndrojnë me maskë e në distancë në ambientet e shkollës për të parandaluar përhapjen e koronavirusit. 

Nëndrejtor i spitalit të Gjirokastrës, Roland Karralli ka bërë me dije se shërbimi i kirurgjisë vijon normalisht punën, se salla e operacioneve është dezinfektuar pasi një nga punonjësit ka rezultuar pozitiv me COVID. Në një lidhje telefonike për Report Tv, Karralli tha se puna në këtë shërbim nuk është ndalur për asnjë moment, e ndërsa shtoi se punonjësve iu është bërë tamponi dhe ka rezultuar negativ.

Tre vatra zjarri regjistruar gjatë ditës së sotme në Tiranë, më konkretisht në Lundër, Kashar dhe Priskë, me këtë të fundit që vijon që prej mbrëmjes së djeshme. Për kreun e Zjarrfikësve, Shkëlqim Goxhaj shumica janë të qëllimshme, teksa i ka kthyer edhe një përgjigje presidentit Meta. 

Ai ishte shpallur në kërkim ndërkombëtar nga autoritetet italiane, pasi Gjykata e Venecias në Itali, më datë 20.06.2017, e ka dënuar me 11 vite e 8 muaj burg, për kryerjen e veprave penale në fushën e narkotikëve.

Një ngjarje në kufijtë e absurdes është regjistruar në qytetin e Vlorës. Një 25-vjeçar i ka vënë flakën shtëpisë dhe ka rrahur babanë, e për pasojë është arrestuar.

Dy persona janë venë në pranga dhe një tjetër është shpallur në kërkim pasi u kapën duke transportuar 25 emigrantë të paligjshëm.

Koronavirusi merr një tjetër jetë nga heronjtë me bluzat e bardha. Report Tv mëson se ish- kirurgu Agron Menzelxhiu, 71 vjeç ka ndërruar jetë pas një beteje disa ditore me virusin. Lajmi është konfirmuar nga kushëriri i tij, Petrit Vargu.

Gjykata e Posaçme ka caktuar masën e sigurisë "Arrest në burg" për Erjon Trungun,  Inspektorin e Tatimeve për korrupsion. Ai dyshohet se ka kryer veprën penale "Korrupsion pasiv të personave që ushtrojnë funksione publike.

Një aksident me pasojë vdekjen ka ndodhur ditën e sotme në Rrugën e Kombit, ku një shqiptar nga Kosova është përplasur nga një mjet ndërsa po udhëtonte me motor.

Seanca gjyqësore për Meard Berberin, Anterio Kaloshin dhe Ervin Kalajën të arrestuar për sulmin me armë në hotel ‘Voloreka’ më 8 gusht është shtyrë për më datë 18 shtator. Shkak është bërë mungesa e prokurores.