Kronikë

Përplasje dhe tensione mes aktivistëve në mbrojtje të teatrit dhe policisë pas shembjes së godinës. Paradite për rreth 6 orë pati tension dhe përplasje te sheshi para Ministrisë së Brendshme, ndërkohë që pas një qetësie, në orën 16:00 rinisën tensionet sërish. Protestuesit me në krye Lulzim Bashën dhe Monika Kryemadhin bllokuan rrugën mes Parkut Rinia dhe Ministrisë së Financave.

IKM dhe policia bashkiake kanë vijuar me shembjen e godinës së Teatrit Kombëtar, proces që ka nisur që në orën 04:30 të mëngjesit të sotëm.

Me shembjen e godinës së Teatrit Kombëtar në orët e para të mëngjesit, policia ka bërë edhe zbrazjen e sallave duke nxjerrë jashtë karriget, sistemin e ndriçimit, pajisjet elektronike dhe video e audio, gardërobën dhe çdo objekt tjetër që ndodhej brenda saj.

Report Tv siguroi pamjet e momentit kur Kryemadhi u shoqërua nga policia në komisariat, ndërsa qëndroi vetëm pak minuta pas u lirua.

Regjisori Edmond Budina lëshoi akuza të forta në drejtim kundër qeverisë pas shembjes së Teatrit Kombëtar. Ai i bëri thirrje Presidentit që të shpërndajë parlamentin.

Shembja e Teatrit Kombëtar ka rinxjerrë opozitën sërish në protesta. Kryetari i PD-së, Lulzim Basha pas mbledhjes me aleatët vendosi që opozita t'u rikthehet protestave të menjëhershme por duke respektuar kushtet higjenike per shkak te Coronavirusit. Monika Kryemadhi bëri thirrje për mosbindje civile. I ashpër ishte edhe Presidenti Ilir Meta që e cilësoi një akt mafioz. Por pavarësisht akuzave të forta shumica është e vendosur për të ecur përpara. "Tiranën nuk  e ndal dot kush" tha Edi Rama. Kryebashkiaku Erion Veliaj u shtriu dorën për bashkëpunim grupit të artistëve që kundërshtuan shembjen.

Rreth orës 04:30, fadromat e Inspektoratit të Mbrojtjes së Territorit kanë nisur rrafshimin e të dyja godinave, atij Eksperimental dhe Kombëtar, ligjërisht një kompleks.

Aleanca për Mbrojtjen e Teatrit për të tretën natë radhazi vijon të qëndrojë e ngujuar në godinën e Teatrit Kombëtar për të mos lejuar shembjen e saj, ndërsa Monika Kryemadhi ka vendosur të kalojë sërish natën me artistët. Basha u bashkohet rreth mesnatës.

Në atë pronë banorët kanë kërkuar nga bashkia Sarandë ngritjen e një këndi lojërash për fëmijë me shpenzime të banorëve.

Organizata për Ushqimet dhe Agrikulturën ka publikuar hartën e vendeve që konsumojnë më shumë fruta për kg gjatë një viti, ku ajo që bie në sy është se Shqipëria është ndër vendet e para të renditura në Europë për konsumimin e  tyre.