Kronikë

Ministrja e Shëndetësisë Ogerta Manastirliu u shpreh sonte në emisionin '5 Pyetjet nga Babaramo' në Report Tv se kanë porositur dhe presin 10 mijë tamponë, por edhe 50 respiratorë të tjerë, përpos 54 që që janë blerë. Ministrja u shpreh se pa marrjen e masave të forta kurba do të ishte e rrezikshme, ndërsa shtoi se është ende herët që të flitet për rifillimin e jetës normale.

103 persona janë nisur nga Durrësi drejt portit të Barit në Itali me traget, pas marrëveshjes mes Ministrive të Jashtme të 2 vendeve.

Komisariati i Policisë Shkodër janë njoftuar 7 persona për vetëkarantinim, janë proceduar 2 persona për kundravajtje.

Bashkia Pogradec po vijon me dezinfektimin e rrugëve kryesore dhe të brendshme, trotuarëve apo hyrjes të bizneseve. Sot ka rinisur sërish dezinfektimi me qëllim mbajtjen e hapsirave publike të pastra.

Korab Gjana, njëri nga infermierët që është pjesë e grupit që u nisën ditën e shtunë përtej Adriatikut u shpreh për emisionin 'Repolitix' në Report Tv se po të jetë nevoja do të rrimë edhe më shumë.

Kryeministri Edi Rama vijon me telefonatat me qytetarëve, të cilëve iu është kërkuar që për cdo hall apo problem që kanë të kërkojnë ndihmë te platforma e bashkëqeverisjes shqipëriaqëduam.al. Rasti i mëposhtëm është një qytetar, i cili kërkon ndihmë mjekësore për bashkëshorten pas një ndërhyrje kirurgjikale që ajo ka patur në nëntor.

Portali E-albania ka pasur probleme me aplikimin për leje-daljet e qytetarëve për pazare dhe deri në rregullimin e saj policia do tregohet tolerante me gjobat duke vijuar me ndërgjegjësimin e qytetarëve.

Dy banesa janë përfshirë nga flakët duke mbetur të djegura plotësisht rreth orës 03:00 të mëngjesit të kësaj të hëne, në Berat. Nga flakët ka vetëm dëme materiale.

Almarin Domi, një prej 20 infermierëve të cilët janë dërguar nga Shqipëria drejt Italisë në shenjë soldarizimi, si dhe për të ndihmuar në ‘luftën’ kundër virusit vdekjeprurës ka treguar për Report Tv rreth pritjes që iu është bërë pas mbërritjes së tyre. Domi shprehet se pritja ka qenë shumë e mirë dhe kanë patur një përkrahje të madhe. Ai thekson se nuk ka pasur asnjë lloj hezitimi rreth faktit se nëse duhej të jepte kontributin e tij apo jo në Itali.

Basha apel për te mos lënë median jashtë ndihmës: Gazetarët dhe operatorët duhen ndihmuar. Rrezikohet mbyllja e dritareve informative dhe transparencës

Në fondin e alokuar të BE ndaj COVID-19 për urgjencat shëndetësore dhe rimëkëmbjen ekonomike në rajonin e Ballkanit, Shqipëria merr ndihmën monetare më të vogël prej 51 milionë euro, ndërsa Serbia merr ndihmë më të madhe me 93 milionë euro.