Kronikë

Nga

Arsen Rusta

60 pasuri të dyshuara me prejardhje nga para të jashtëligjshme të shtrira në 7 qytete të vendit do t'i nënshtrohen nga e hëna kontrolleve të Njësisë anti-KÇK. Burime për Report Tv nga kjo njësi bënë me dije se këto pasuri janë regjistruar me pronar adoleshent që s'kanë punë asnjë ditë dhe pensionist, por në realitet kapin vlera deri në 10-15 milion euro.

Edi Rama prezanton sot nga reparti RENEA paketën dhe si do të nisë dhe zbatohet akti normativ me fokus sekuestrimin e pasurisë së kriminelëve dhe terroristëve. Procesi mbi vërtetimin e dyshimeve për një pasuri mbyllet në harkun kohor të 30 ditëve. Gjithcka do të nisë me një formular që struktura e re do u dërgojë kriminelëve brenda apo jashtë burgut për të justifikuar pasurinë. Më pas ky formular i dërgohet SPAK-ut që duhet të shprehet për 15 ditë dhe po kaq gjykatës. Pra cikli, pa llogaritur apelin në hapin e parë mbyllet brenda muajit.

Shtetet e Bashkuara të Amerikës dhe Bashkimi Europian përshëndetesin miratimin e paketës anti-KÇK nga qeveria shqiptare. BE-ja thotë se do ta ndjekë nga afër zbatimin konkret të aktit normativ. Këshilla e delegacionit të BE-së dhe SHBA-së është që këto masa të reja të ndiqen përmes institucioneve të krijuara nga reforma në drejtësi, në veçanti SPAK-un, ashtu sikur parashikohet në Aktin Normativ.

Vrasje në familje në Durrës, burri ekzekuton gruan me thikë. Ngjarja e rëndë ka ndodhur në mesnatë ku burri Lulzim Cuku pasi ka vrarë gruan me thikë është larguar vendi i ngjarjes por më pas u dorëzua në policinë e Burrelit. Çifti ishin prindër të dy vajzave dhe një djali. Autori i krimit punonte si emigrant, ndërsa viktima ishte shtëpiake.

Sipas MeteoAlb: Temperaturat e ajrit rriten sërisht në vlerat minimale por mbeten konstante në ato maksimale duke u luhatur nga 1°C mëngjesi në zonat malore deri në 17 °C mesdita në zonat e ulëta dhe bregdet.

Prokuroria e Tiranës ka kërkuar pushimin e çështjes lidhur me sulmin me bojë të kuqe ndaj deputetit të opozitës së re, Ralf Gjoni nga anëtari i LRI-së, Klajdi Rruçi. Pyetur lidhur me këtë vendim të organit të akuzës, në një prononcim për Shqiptarja.com, deputeti Ralf Gjoni shprehet se nuk është në dijeni, teksa vë në dukje se ka pasur një neglizhencë nga organet e drejtësisë për çështjen e tij.

Një numër i madh automjetesh janë djegur. Forcat e policisë dhe ato zjarrfikëse janë nisur drejt vendit të ngjarjes. Nuk dihen ende shkaqet e rënies së zjarrit. 

4 të rinjtë u arrestuan pasi kishin bërë kërdinë në banesa, duke vjedhur deri në shumën e 10 milionë lekëve.

Nga

Elton Qyno

Negociatat me telefon nga burgu në Angli, për lirimin e kokainës në Angli dhe lirimin e Jan Prengës në Shqipëri. Njëri nga vëllezërit udhëtoi nga Anglia në Shqipëri për të negociuar me familjen Doçi, për lirimin.

Miratohet sistemi i pikëzimit për programin e rindërtimit në Bashkinë e Lezhës për banorët e prekur nga tërmeti i 26 nëntorit. Nënkrytari i bashkisë Ermal Pacaj tha se fokusi kryesor në rindërtimin e banesave do të jetë për familjet në nevojë.

Banorët e një pallati 8 katësh në lagjen numër 5 të Durrësit kanë dalë në një protestë gjatë ditës së sotme pasi kërkojnë një vlerësim të thelluar të dëmeve të pallatit nga tërmeti i 26 nëntorit. Ata shprehen se duan të dinë nëse ky pallat do të shembet apo do të riparohet. Ndërkohë ka reagua edhe bashkia e Durrësit e cila pohon se pallati është regjistruar si i pabanueshëm.