Politikë

Kandidati i koalicionit, Berisha-Meta Miftar Dauti ka ndalur furgonin e dy djemve të kandidatit të PS, Halit Mulaj. Dauti pretendon se në këtë furgon dy djemtë e kandidatit të PS kanë ndihma ushqimore të cilat do i shpërndanin tek qytetarët e zonës. Sipas tij, me këto pako kandidati i PS po përpiqet të blejë votat për zgjedhjet e 14 majit.

Partia Demokratike ka çuar në KAS vendimin e kryekomisionerit Ilirjan Celibashi, që në fletën e votimit të mos vendosej emri i Ilir Metës si drejtues i koalicionit “Bashkë Fitojmë”.

Tirana do të jetë shesh beteja kryesore në zgjedhjet e 14 majit. Erion Veliaj kandidon për një mandat të tretë, përballë 6 kandidatëve të tjerë, po si ka qenë puna e tij më këto 8 vite në Tiranë. Në bazë të rezultateve të sondazhit të ‘Piepolit’ në bashkëpunim me Report Tv, 52% e qytetarëve të anketuar janë të kënaqur me punën e tij. Ky ishte diskutimi mbrëmjen e sotme në emisionin ‘5 Pyetjet nga Babaramo’.

Deputetja e Partisë së Lirisë, Erisa Xhixho ka deklaruar se shqiptarët nuk kanë shpresë në një të ardhme, për këtë arsye vendi po vuan nga largimet masive.

Dega e Partisë Demokratike është formuar edhe në New York, si një iniciativë e re të ekzistencës prej 32 vitesh të kësaj partie.  Një grup shqiptaro-amerikanësh, mbështetës të Partisë Demokratike u mblodhën ditën e premte në 15 prill në New York për të diskutuar të ardhmen e partisë së tyre.

Kryetari i Partisë Socialiste të Tiranës, Erion Veliaj u ka bërë një thirrje demokratëve nga Peza, ku ndaloi për takimin e radhës me banorët, duke i ftuar t’i bashkohen socialistëve dhe të braktisin Ilir Metën.

Në vijim takimeve në çdo njësi, kandidati i PS për Tiranën, Erion Veliaj u ndal në Pezë, ku mbolli edhe disa pemë me banorët e zonës. Ai e krahasoi Partinë Socialiste me një traktor të ri, modern, që i çon punët e qytetit përpara, kurse çiftin Berisha-Meta si një traktor të vjetër, që mezi lëviz.

Kandidatët e koalicionit Berisha-Meta duket se po e “shfrenojnë imagjinatën” në premtimet e tyre elektorale.

Fushata elektorale ka nisur për zgjedhjet e 14 majit dhe secili kandidat që synon bashkinë ka zgjedhur mënyrën e tij për të qenë më pranë votuesve. Por duket se Partia Socialiste ka preferuar të jetë më pranë qytetarëve me anë të rrjeteve sociale dhe të përqendruar tek imazhi.

Sali Berisha dhe Ilir Meta u bënë sot bashkë në Gramsh dhe prezantuan kandidatin për kryebashkiak, Hasim Çekrezi. Në fjalën e tij për mediat, Meta tha se në këto katër vite Gramshi është keqqeverisur dhe se më 14 maj do të rikthejnë kontrollin në bashki. Sipas Metës, ‘Rilindja’ ka shpërdoruar taksat e qytetarëve, ndërsa tha se programi i tyre është shpopullimi i vendit.

Deputeti Partisë Socialiste, Xhemal Qefalia e ka cilësuar premtimin e Belind Këlliçit për autobusë falas, si të parealizueshëm.

Kryebashkiaku i Tiranës, Erion Veliaj thotë në Report Tv se betejën për kryeqytetin e ka me Ilir Metën, i cili hallin më të madh e ka dosjen e Sigurimit të Shtetit. Në një intervistë për ‘Konstrast’, Veliaj thotë se Meta s'e vë emrin në fletë votimi se ka hallin e dosjes së Sigurimit.

Partia Demokratike ka zgjedhur këngën e artistes së famshme Sia për fushatën elektorale të zgjedhjeve të 14 majit. Bëhet fjalë për këngën ‘Never Give Up’.