Politikë

Nga

Arsen Rusta

Për ish-ministrin e drejtësisë Eduart Halimi sot avokat, i gjithë faji për mungesat e gjyqtarëve e prokurorëve në vend, është i institucioneve të drejtësisë së re, Këshillit të Lartë të Prokurorisë dhe atij Gjyqësor. Sipas tij, këto institucione s’kanë vizion dhe nuk janë transparente me publikun. Në një intervistë për ReportTv, Halimi thotë se vettingu duhet të kishte nisur nga politika, pasi pastrimi i drejtësisë nuk e dha efekte për klasën e korruptuar politike.

Kryeministri Edi Rama tha se është i gatshëm që të ulet në tryezë dialogu me Lulzim Bashën për Vettingun e Politikanëve e ndërsa ka komentuar edhe vendimin e Berishës për t'u rikthyer në krye të PD, ku tha se kjo parti është kthyer në një objekt keqardhjeje.

Komisioni i Vetingut pritet të shkarkojë nesër gjyqtaren e Tiranës Klorinda Çela, bashkëshortja e gjyqtarit të Vlorës Ken Dhima. Gjyqtarja dhurata dhe pasuri të pajustifikuara me vlerë 550 mijë USD. Dyshime për fshehjen e një apartamenti në Shëngjin 190 m2 dhe një dyqani në Tiranë me vlerë 220 mijë euro.

Nga

Sokol Dema

Ministri i Brendshëm, Bledi Çuçi ka refuzuar t'i përgjigjet opozitës për ngjarjet e fundit kriminale në Fier dhe në Nikël në mbledhjen e Komisionit të Sigurisë Kombëtare ku prezantoi Projektligjin e Agjencisë për Mbikëqyrjen Policore.

Këshilli i Ministrave ka vendosur ditën e sotme se vendi do të dalë në tregun ndërkombëtar në fillim të nëntorit me eurobond 700 mln euro. Gjithashtu nga 20-26 nëntori të shpërndajë 1050 apartamente dhe shtëpi individuale të rindërtuara dhe t’u kalojnë në pronësi qytetarëve. Familjet në nevojë do të jenë të parat që marrin banesat, ndërsa shpërndarja e të tjerave do të bëhet me short publik.

Deputeti socialist Erion Braçe ka kritikuar qeverinë në Komisionin e Ekonomisë ku tha se i ka rastisur disa herë që të shkojë në ministri dhe nuk i ka gjetur ministrat në punës. Ai tha se kush nuk do të punojë le të hap krahun, ndërsa tha se gjysma e administratës publike në zgjedhjet e 25 prillit nuk ka votuar fare Partinë Socialiste.

Presidenti Meta i jep Kuvendit pëlqimin e tij për marrjen e Eurobondit deri në 700 mln euro në nëntor që do të përdoret në disa sektorë dhe për të larë borxhin publik, por ka dhe disa rezerva lidhur me të ku u bën thirrje deputetëve që të shqyrtojnë me shumë vëmendje këtë nismë para miratimit të saj.

Meta tha se vlerësimi për Isahak Toros Shahnaianin është dëshmi e respektit, detyrimit dhe nderimit tonë, për gjithë shtresën e ish-të përndjekurve politikë.

10 deputetë të Partisë Demokratike kanë depozituar kërkesë në Kuvend për të ngritur Komision të Posaçëm për Reformën Zgjedhore. Qëllimi i këtij komisioni të posaçëm do të jetë hartimi i ndryshimeve kushtetuese dhe adresimi në kuadrin ligjor të rekomandimeve të OSBE/ODIHR-it. PD kërkon që ky komision të jetë bipartizan me afat 6-mujor.