Politikë

Ambasadorja e SHBA-së, Yuri Kim ka dënuar deklaratat e Ilir Metës ku bën thirrje për mprehje të sfurqeve dhe sëpatave. Kim shkruan se këto janë deklarata të dënueshme dhe do mbajë përgjegjësi. I menjëhershëm ka qenë reagimi i Ilir Metës i cili tha se Kim të mos ndërhyjë më në punët e brendshme të Shqipërisë madje u shpreh se është kërcënuar nga ambasadorja.

Drejtuesi Politik i Partisë Socialiste për Qarkun e Elbasanit, Taulant Balla deklaroi nga Elbasani se Partia Socialiste arriti të organizojë  një fushatë zgjedhore model pavarësisht atyre që i cilësoi përpjekjeve të kundërshtarëve për të bërë pis Elbasanin në përmbyllje të fushatës zgjedhore.

Kryeministri Edi Rama ka reaguar ndaj Xhelal Mziut duke i thënë që duhet të përqendrohet në hesapet e mëdha që ka hapur me drejtësinë.

Këshilltari i Tony Blair, Alastair Campbell ka publikuar videon nga mitingu përmbylllës i kryeministrit Edi Rama duke dalë publikisht në mbështetje të tij.

Përveç mbështetësve që ishin prezent, mijëra qytetarë kanë ndjekur në rrjetet sociale mitinjget. Kryeministri Rama ka thyer rekordin e audiencës me mbi 50 mijë ndjekës në kohë reale ndërsa Basha as 15 mijë nuk i ka bërë dot.

Dy ditë para zgjedhjeve parlamentare, Ambasadori i Italisë në Tiranë, Fabrizio Buçi, zhvilloi sot një takim me Komisionerin Shtetëror të Zgjedhjeve, Ilirjan Celibashi. Bucci tha se zgjedhjet duhet të zhvillohen në një klimë të qetë, ndërsa dënoi aktet e dhunës të ditëve të fundit, pas ngjarjes së rëndë që u regjistrua në Elbasan, ku u vra Pjerin Xhuvani, mbështetës i PS-së.  

Kryeministri Edi Rama ka mbyllur fushatën elektorale në Vlorë ku ka bërë thirrje që më 25 prill t'i thuhet njëherë e përgjithmonë lamtumirë fantazmave të së shkuarës që tentojnë të rikthehen në forma të ndryshme dhe të harrohet përgjithmonë gjuha e konflikteve dhe ndasive. Në mbyllje të fushatës, Rama thirri familjen e tij në skenë ku një përshëndetje nuk mungoi as nga djali i tij i vogël Zaho, i cili tha "Unë e dua Vlorën".

Lulzim Basha ka mbyllur ditën e sotme fushatën elektorale në Tiranë duke bërë thirrje për votime masive më 25 prill. Basha premtoi një të ardhme më të mirë pas 25 prillit me PD në krye. Ai tha se do të jetë kryeministri i të gjithëve dhe qytetarëve do i rikthehet dinjiteti.

Me të birin, Zahon përdore dhe bashkëshorten, Linda Ramën, kreu i PS-së, Edi Rama është i pranishëm në Vlorë, në mitingun përmbyllës të fushatës elektorale të PS.