Politikë

Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker zhvilloi sot një vizitë zyrtare në Tiranë. Gjatë qëndrimit të tij në kryeqytetin shqiptar ambasadori Reeker u takua ndër të tjera me kryeministrin Edi Rama dhe kryetarin e Partisë Demokratike Lulzim Basha.

Vajza e ish-kryeministrit Bashkim Fino, Megi Fino është emëruar ditën e sotme zv/ministre për Europën dhe Punët e Jashtme. Vendimi është marrë në mbledhjen e zhvilluar këtë të mërkurë në këshillin e ministrave

Shmangia e presidentit Ilir Meta nga Ndihmës Sekretari Amerikan për Çështjet Evropiane dhe Euroaziatike, Philip Reeker gjatë vizitës së tij në Tiranë, për analistin Frrok Çupi tregon se SHBA-të ia kanë vënë vizën dhe nuk e njohin.

Bujqësia është kryefjala e fjalimit të kryeministrit Edi Rama, i cili tha se Shqipëria është vendi i parë në rajon për ndihmën e dhënë për këtë sektor. Duke risjellë në vëmendje objektivin prej 1 mld dollarë për eksportet bujqësore, Rama tha se është një sfidë, por e realizueshme.

Gjykata Kushtetuese vendosi sot shfuqizim si antikushtetues të pikës 3 të nenit 163 të Kodit Zgjedhor që flet për herësin, duke i hapur rrugë listave të hapura në zgjedhjet e ardhshme.  Për këtë, i ftuar në Report Tv Fabian Topollaj, përfaqësuesi i Bindjes Demokratike, njëra prej partive kërkuese në Kushtetuese, thotë se ky vendim edhe pse i vonë është një kontribut i madh për demokracinë në vend.

Deputetja e zgjedhur, Albana Vokshi ka akuzuar qeverinë se po cenon lirinë e medias. Nisur nga kjo, Vokshi i ka dërguar një letër diplomatëve të huaj në vendin tonë, por jo vetëm që të ndërhyjnë te qeveria shqiptare për të ndalur sipas saj çdo veprim që cenon lirinë e fjalës, lirinë e medias dhe të drejtën kushtetuese për informim.