Politikë

Kryeministri Edi Rama ka njoftuar ditën e sotme se shumë shpejt do të ketë një ligj të ri që do të luftojnë dhunën ndaj grave, gjatë një deklarate të bërë në Forumin e dytë Rajonal me temë “Fund dhunës ndaj grave në Ballkanin Perëndimor dhe në Turqi. Ai tha se duhet menduar një sistem riedukues dhe një rrugë të mesme që t'i bëjë burrat të japin llogari dhe të mbajnë përgjegjësi për çdo gjë që bëjnë.

Ministrja e Financave dhe Ekonomisë Anila Denaj gjatë interpelancës në Kuvend për informalitetin tha se janë kryer kontrolle edhe në katër media, një prej të cilave është në proces verifikimi. Ajo deklaroi se deri tani janë referuar 19 raste në prokurori për shkak të skemave të mashtrimit me TVSH.

Socialistët do të depozitojnë një ligji të ri special për prokurorët dhe gjyqtarët që janë ende në sistemin e drejtësisë, por që duke e ditur që do të shkarkohen, në pritje të ditës së gjykimit po bëjnë kërdinë me vendime absurde të diktuara nga krimi dhe korrupsioni. Rama e cilësoi këtë kategori gjyqtarësh dhe prokurorësh si organizata kriminale 'KÇK' që duhet të shpallet në kërkim. "(KÇK) (Kap çfarë të kapësh) është një organizatë kriminale me imunitet kushtetues". Pas prokurorit të Durrësit, kryeministri denoncoi sot një tjetër rast të skandaleve në drejtësi, këtë herë në Gjirokastër, ku tha se gjykata i dha urdhër mbrojtje një burri që kishte dhunuar gruan.

Sipas ministrit të Punëve të Jashtme Stef Blok hapja e negociatave për Shqipërinë është e parakoshme por nëse vendet e tjera do të bien dakord, nuk do të ketë veto bllokuese nga Holanda. 

Presidenti i Këshillit Europian ,Donald Tusk dhe kancelarja gjermane Merkel, dy aleatë të Shqipërisë sa i përket çeljes së negociatave u takuan në Berlin 

Ish-kreu i Aleancës Demokratike Neritan Ceka ka përdorur shembull Kosovën, për të nxjerrë në pah krizën politike në Shqipëri, por edhe për të hedhur akuza ndaj qeverisë së Edi Ramës.

Presidenti Ilir Meta është shprehur i bindur se Shqipëria nuk do të marrë një "PO" më 18 tetor nga BE-ja, pasi sipas tij nuk i ka bërë "detyrat e shtëpisë".

Nga

Klesiana Omeri

Komisioni i Reformës Zgjedhore pranon që PD të ketë një përfaqësues në nivel teknik në mbledhjen e radhës. Anëtari i këtij komisioni, Alket Hyseni për Report Tv ka zbardhur gjithë ecurinë e komisionit për reformën zgjedhore pas tryezës plot debate të zhvilluar nga OSBE.

I pyetur nga gazetari se si ia kalon me kryeministrin Rama, Meta i përgjigjet se ‘Me të jam në rregull dhe nuk kam probleme. Nganjëherë ai ka vështirësi për të bashkëjetuar në harmoni me demokracinë, me pluralizimin politik dhe me zgjedhjet e lira e të ndershme, por këto janë themelet për një vend demokratik dhe europian’.

Emri i Isabel Santos, eurodeputetes portugeze është nominuar si raportuesja për Shqipërinë në Parlamentin Europian.

Ministret shqiptare i kanë dërguar një letër  deputetëve të Holandës ku kërkojnë mbështetjen ndaj Shqipërisë për hapjen e negociatave me BE. Në letër ato theksojnë me krenari faktin që vetëm përpara pak ditësh, OKB-ja e njohu Shqipërinë si njërën prej pesë vendeve të globit me kabinetin më të balancuar gjinor. Ndërkohë po sot Dhoma e Ulët në Holandë do diskutojë në orën 20:30 për hapjen e negociatave të Shqipërisë me BE.

Duke konfirmuar mbështetjen pa kushte të Austrisë për rrugën europiane të Shqipërisë, Schallenberg vlerësoi në mënyrë të veçantë ndryshimet pozitive që ka pësuar kryeqyteti shqiptar vitet e fundit.

Kryetari i PD-së, Lulzim Basha këmbënguli sot në kushtet e vendosura për shumicën për miratimin e reformës së re zgjedhore. Por zëdhënësja e Bashkimit Europian, Maja Kocijancic tha se kjo reformë dhe zbatimi i rekomandimeve të OSBE-ODIHR janë një test i rëndësishëm për vendin, prandaj bëri thirrje që të gjitha palët të ulen në dialog.

Sipas pretendimeve të PD në Shkodër, zgjedhja e Hilmi Laktit në krye të Këshillit të Qarkut të Shkodrës është një proces nul. Sipas tyre në këtë mënyrë kryeministri Rama pretendon të marrë të gjitha pushtetet.