Politikë

Opozita në bllok vendosi të djegë mandatet e deputetëve. Për të shpjeguar qëndrimin e opozitës i ftuar në emisionin '5 Pyetjet nga Babaramo' ishte ish-ministri i Brendshëm, aktualisht deputet i PD-së, Flamur Noka. Eduard  Shalsi, Ministër Shteti për Mbrojtjen e Sipërmarrjes u shpreh se opozita është pa ide dhe i frikësohet futjes në zgjedhje, pasi e di rezultatin prandaj ka vendosur që të djegë mandatet.

Raportuesi për Shqipërinë në Parlamentin Europian Knut Flackenstein, ka komentuar vendimin e Partisë Demokratike për djegien e mandateve. Ai shprehet se nuk është hera e parë që opozita braktis punën në parlament dhe se në 5 vitet e fundit asgjë nuk është ndryshuar në këtë drejtim.

Kryetarja e LSI-së, Monika Kryemadhi deklaroi se grupi i LSI-së vendosi t'i bashkohet PD-së dhe aleatëve të tjerë opozitarë për të djegur mandatet e deputetëve.

Bashkimi Europian i bën apel opoziës shqiptare që të rikthehet në Kuvend dhe jo të djegë mandatet e deputetëve. Maja Kocijancic: Thirrjet për deputetët që të heqin dorë nga mandati shkojnë kundër përpjekjeve të vendit për zbatimin e reformave të kërkuara nga BE. Ambasadorët e SHBA dhe BE-së takojnë Ramën.

Ish-presidenti, Bujar Nishani ka komentuar vendimin e opozitës lidhur me djegien e mandateve. Nishani e ka vlerësuar qëndrimin e opozitës duke e cilësuar si një vendim të rëndësishëm dhe një akt historik që çdo opozitar duhet të bëjë, t’i bashkohet qëndrimit të kredemokrtit Basha.

Juristi Kristaq Kume, ekspert i Kodit Zgjedhor thotë se djegia e mandateve të deputetëve nga një parti e opozitës, nuk e bën jofunksional parlamentin që ende i mbetet një mazhorancë e thjeshtë votash

Në një intervistë për media italiane “Il Messagero”, ish-kryeministri Sali Berisha është shprehur se nëse Rama nuk do japë dorëheqjen atëherë qytetarët do ta vrasin dhe do ta hedhin në lumë. 

Erion Braçe ka deklaruar se mandatet digjen tani pasi nuk i bëjnë dot gjë reformës në drejtësi. Deklarata e tij wshtw pasuar nga replika e deputetit demokrat, Agron Shehaj i cili tha se Braçe duhet të shqetësohet për shokët dhe për partinë e tij.

Një grup i posaçëm pune është ngritur nga Partia Socialiste, përmes të cilit pritet të propozohen sanksione të forta në rregulloren e Kuvendit të Shqipërisë për deputetët që do të përdorin dhunë të çdo forme apo fjalë të rënda në parlament.