Sport

Tirana fitoi 0-1 me Vllazninë në stadiumin e Kukësit, për javën e tetë në Superligë. Në "Kukës Arena" të pranishëm ishin tifozët e të dyja skuadrave, që pas përfundimit të sfidës janë përleshur mes tyre në Reps. Rrugës për në kthim, ultrasit nuk kanë lënë pa përdorur sendet e forta kundër njëri-tjetrit, në një përleshje të dhunshme. Të dyja tifozeritë njihen për rivalitetin ndër vite.

Serie A e futbollit është në javën e tetë dhe kjo e shtunë sportive nisi në 15:00, aty ku Interi barazoi 2-2 kundër Bolognas në shtëpi. Në 18:00 Juventusi fitoi 2-0 derbin me Torinon, teksa në 20:45 Milani fitoi 0-1 në Genoa dhe merr kreun e Serie A.

Premier League e futbollit në Angli është në javën e tetë. Këtë të shtunë gjithçka nisi në 13:30, me Tottenham që fitoi 0-1 në transfertë kundër Luton dhe siguroi vendin e parë në renditje. Chelsea fitoi 1-4 me përmbysje kundër Burnley, me Brojën që luajti si titullar. Në fushë edhe Thomas Strakosha që debuton këtë sezon, me Brentfordin e tij që ishte pa fat dhe humbi 2-1 me Manchester United.

Kategoria e Parë e futbollit në Shqipëri ka zhvilluar këtë të shtunë katër nga gjashtë ndeshjet e javës së shtatë. Me fillim në 14:00, te tri pikët kanë dalë Bylis, Flamurtari, Lushnja dhe Apolonia.

Julian Ahmataj debuton me tri pikë në rikthimin e tij në krye të Tiranës. Bardheblutë fituan 0-1 kundër Vllaznisë në  "Klasiken" e futbollit shqiptar, e cila vlente për javën e tetë në Superligë dhe u zhvillua në "Kukës Arena". Pas ndeshjes tifozët e të dyja skuadrave janë ndeshur gjatë kthimit në Reps, ku janë përleshur me sende të forta.

Sulmuesi i Kombëtares, Rey Manaj ka shënuar në fitoren 2-3 që Sivasspor ka marrë në transfertë me Pendikspor. Për javën e tetë në Superligën e Turqisë, lushnjari ka gjetur golin e parë pas kalimit në Turqi.

Të gjithë ata që nuk kanë mundur të sigurojnë një biletë për ndeshjen deçizive Shqipëri-Çeki, do të mund ta ndjekin në sheshin “Skënderbej”.

Sylvinho, trajneri i kombëtares shqiptare, siguroi se brenda skuadrës nuk ka eufori para ndeshjes me Çekinë, ndërsa e cilësoi ndeshjen si finalen e rradhës. Braziliani tha se futbollistët e dëmtuar do vlerësohen në ditët në vijim, ndërsa nuk preferoi të ndalej gjatë te rikthimi i Brojës, pasi për të me rëndësi është grupi.

Nga

Andi Kapxhiu

Derbi i shqiptarëve në Serie A mbyllet në paqe. Lecce e Ramadanit ka barazuar 1-1 ndaj Sassulo-s së Bajramit. Paraqitje të mirë zhvilluan kuqezinjtë. Empoli barazoi pa gola ndaj Udineses ndërsa mediat bëjmë me dije një zhvillim surprizë. Nëse Roma humbet ndaj Cagliari-t trajneri Mourinho do shkarkohet.

Maroku do të mbajë Kupën e Botës 2030 së bashku me Spanjën dhe Portugalinë. Pas këtij botërori, Arabia Saudite dëshiron të mbajë eventin pasardhës, pra Kupën e Botës 2034.

Katër lojtarë të Paris Saint Germain janë dënuar me një ndeshje pezullim nga Komisioni i Disiplinës i ligës franceze për këngët fyese dhe raciste që synonin rivalët e Marseille, pas ndeshjes së fituar nga PSG 4-0 më 24 shtator.

Gjatë ndeshjes së Ligës së Kampionëve mes Atletico Madrid dhe Feyenoord (3-2) të mërkurën në mbrëmje, dhuna shpërtheu brenda "Stadiumit Metropolitano" ndërsa tifozët e të dy palëve u përleshën brenda seksionit VIP të stadiumit.