'Bashkëshorti im s'ka paguar taksat pasi s'jemi në BE', PD: Prela nuk duhet të jetë më kryeprokurore

'Bashkëshorti im s'ka paguar taksat pasi s'jemi në BE', PD: Prela nuk duhet të jetë më kryeprokurore

Sekretari për çështjet ligjore në PD, Çlirim Gjata për mediat

Partia Demokratike i është kundërvënë kryeprokurores së Krimeve të Rënda Donika Prela, e cila në përgigje për zyrtarët e ONM-së deklaroi se bashkëshorti nuk ka përse të paguajë taksa pasi Shqipëria nuk është vend i Bashkimit Europian. (Lexo këtu)

Sekretari për çështjet ligjore në PD, Çlirim Gjata u shpreh se prokurorja Donika Prela nuk duhet të qëndrojë për asnjë sekondë në detyrë. Më tutje, ai nënvizoi se bashkëshorti i prokurores edhe kur nuk paguan taksat falet nga ligji, ndërkohë që, biznesmenët e tjerë burgosen sepse nuk kanë lidhje e përkrahje politike.

Si arsye të tjera se përse prokurorja Prela nuk duhet të qëndrojë më në detyrë, Gjata përmendi mbylljen e dosjeve në favor të pushtetit, duke përmendur midis tyre dosjen "339" të kryetarit të Bashkisë së Durrësit, Vangjush Dako.

Çështja është se çfarë deklaroi kjo zonjë para organeve të Vetingut. Në momentin që zyrtari i ONM-së  e pyeti Donika Prelën se pse bashkëshorti i saj nuk paguan taksa, ajo tha se nuk kemi të njëjtin standard, sepse Shqipëria nuk është vend i BE-së. Kjo ishte pak a shumë logjika e gjithë deklaratës së saj. Bashkëshorti i saj falet dhe nuk ka asnjë përgjegjësi kur nuk paguan taksa. Biznesmenët pa përkrahje politike, që nuk kanë lidhje me pushtetin, që i shërbejnë qytetarëve, futen në burg. Standard i dyfishtë në politikë. Kemi një shkelje të prokurores së Krimeve të Rënda, e cila nuk duhet të qëndrojë në detyrë vetëm për këtë shkak. Prela mban të mbyllura dosjet në favor të pushtetit dhe të kryeministrit, duke nisur nga dosja 339 e Dakos, i cili është kapur në shit-blerje votash

Çlirim Gjata, Sekretari për cështjet ligjore të Partisë Demokratike

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Daku: 11/04/2019 19:40

    Po të ishe nonjë fushë tjetër do kishim respekt për ty por ndoqe rugën e babajt tënd është një fjalë e urtë bëmë baba të të ngjaj

    Përgjigju
  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

22-vjeçari humbi jetën nga moti i keq, Zhupa: Ishte i pari në fushatën e PD, iku deri sa numëroi votën e fundit! Do të mbaj mend gjithmonë të qeshur