Pas sulmit të mbrëmshëm ndaj Komisariatit nr. 3 në Tiranë, godina ka ende gjurmët e dhunës. Xhama të thyer, mure të mbuluara me parulla dhe dëme të shumta në ambientet e brendshme janë pasojat e sulmeve nga një grup protestuesish.

***

Në orët e vona të mbrëmjes së djeshme, pas rreth dy orësh protestë para Kryeministrisë, një grup protestuesish u drejtuan drejt Komisariatit nr. 3, ku mbaheshin të ndaluar personat e arrestuar gjatë protestës e së enjtes para Parlamentit.

Një grup të rinjsh, disa prej tyre të maskuar, sulmuan godinën me gurë dhe shkopinj, duke thyer xhamat, dëmtuar derën kryesore dhe depërtuar në ambientet e pritjes së komisariatit.

Reagimi i policisë ishte i menjëhershëm. Efektivët krijuan një kordon sigurie dhe përdorën ujë për të larguar protestuesit. Sot deri në orët e paradites gjurmët e dhëns ishin ende aty Gurë e xhama të thyer në çdo cep.

Sot punonjësit e komisariatit po pastronin muret nga parullat e shkruara me bojë, mes tyre "Rama në burg, Berisha në burg" dhe "Ne me vezë, ju me dhunë".

Copa xhamash janë të shpërndara në të gjithë hapësirën ku ndodhi sulmi.sera e sallës së pritjes së qytetarëve është shkatërruar pothuajse plotësisht dhe një prej dritareve është shkulur nga vendi.

Nuk duket rastësore fakti që të njëjtat maska të vëna nga dhunuesit e ambienteve të rajonit të policsë, u panë edhe gjatë protestës që u mbajt para Kryeministrisë.

Situata u tensionua kur pas rreth dy orësh fjalime para Kryeministrisë, protestuesit marshuan drejt Komisariati nr. 3 në rrugën "Mine Peza", ku mbaheshin 21 protestuesit e arrestuar nga protesta tek Kuvendi që ndodhi me 2 korrik.   Gjithçka ndodhi rreth orës 23:45, një grup protestuesish, disa prej tyre të maskuar, sulmuan komisariatin me gurë dhe shkopinj, duke thyer xhamat. Ata dëmtuan edhe derën hyrëse dhe disa arritën të futeshin në ambientet e pritjes.

Policia reagoi menjëherë duke krijuar një kordon sigurie rreth komisariatit dhe përdori ujë për të shpërndarë protestuesit. Megjithatë, një grup u ulën përballë efektivëve me thirrjet "Lironi çunat", "Polici e krimit" dhe "Nuk kemi frikë".

Po këtë të diel, 21 protestuesit e arrestuar gjatë protestës së 2 korrikut para Kuvendit dalin para Gjykatës së Tiranës për vlerësimin e arrestit në flagrancë. Jashtë gjykatës janë mbledhur protestues dhe përfaqësues të Grupit Koordinues, të cilët kërkojnë lirimin e tyre.

K.M/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 05/07/2026 15:36

    Po dhe ju policët qenkeni të mbaruar nuk mbroni dot veten më mirë ta lini punën njeriu që nuk është për vete nuk vlen për asgjë.

    Përgjigju