I lindur në Gjermani, i riu nga Kosova me shqipe të bukur mbështet Italinë në përballjen me Spanjën, ja arsyeja

Kampionati Europian 2024 ka mbledhur shqiptarë nga e gjitha bota në Gjermani, por sidomos ka vënë në pah komunitetin e madh shqiptar atje.

Gazetari Ernest Koçi ka intervistuar një tifoz të veçantë për “Minuata Zero”, me Andi Kapxhiun dhe Ogerta Spahiun në Report Tv.

Ai është një shqiptar i Kosovës, i lindur në Gjermani, por me një shqipe të qartë dhe frymë patriotike të fortë.

I mbështjellë me flamurin italian, i riu kosovar parashikon se ndeshja Spanjë-Itali do të përfundojë 2:1 dhe se Shqipëria do të ecë shumë përpara në këtë europian.

“Sot ka për të fituar Italia 2:1 dhe Shqipëria do ta fitojë të gjithën.

Jam i Kosovës, i Prizrenit, Suharekës”,-tha ai.

Tifozi shqiptar tha se arsyeja që mbështet Italinë është se e dashura e tij është italiane.

“Se e kam një shoqe italiane”,- tregoi ai.

I entuziasmuar dhe krenar, i riu tregoi emocionet që përjetoi nga prezenca e madhe e shqiptarëve në Dortmund para ndeshjes së Kombëtares me Italinë.

“Po kam qenë këtu me dy shokë, kemi qëndruar këtu në Dortmund. Ka qenë plot, 100 mijë shqiptar. Kemi festuar shumë”,- rrëfeu ai.

Lajmi kryesor:

‘Minuta Zero’, gazetarja Zeko: Sylvinho të rregullojë gabimet me Spanjën! Marko: Broja dhe Hoxha bëjnë diferencën

K.M/M.Q./Shqiptarja.com

TAG:
• itali
• euro 2024
• Ernest Koci
• gjermani