Këshilli i PD mblidhet më 20 prill, ja diskutimet e Kryesisë

Kryesia e Partisë Demokratike, në mbledhjen e së shtunës nuk do të diskutojë vetëm mbi një dokument-propozim për ndryshimet në statut, por disa të tillë. Në selinë qendrore të demokratëve janë depozituar disa projekte sa i përket ndryshimit të statutit, të cilat do të marrin vëmendjen, secili në mënyrë të veçantë.  Një grup propozimesh kanë ardhur nga degët e Partisë Demokratike në rrethe, të cilat sipas informacioneve, kanë të bëjnë me përfshirjen e tyre në vendimmarrje.

Vetë kryetari i Partisë Demokratike, Lulzim Basha ka folur për një transformim të PD-së, që do të vijë pikërisht prej procesit të ndryshimeve statutore. Këto ndryshime kanë të bëjnë pikërisht me emrat e kandidatëve për kryebashkiakë dhe deputetë. Basha ka thënë se, në zgjedhjet e ardhshme kandidatët për kryebashkiakë dhe deputetë, do i propozojë anëtarësia e PD-së. Një projekt për ndryshime në statut e kanë paraqitur edhe dy anëtarë të Këshillit Kombëtar të PD-së, Edith Harxhi dhe Edvin Kulluri.

Në thelb të projektit të dy anëtarëve të Këshillit Kombëtar të PD-së është konceptimi i partisë siç funksionon një shtet demokratik, me tre pushtete të ndara që kufizojnë dhe fuqinë e kryetarit. Ata janë Kuvendi, Këshilli Kombëtar si organ legjislativ me dy dhoma dhe Kryesia si organ ekzekutiv. Në Këshillin Kombëtar do të ketë dhe një risi është tjetër është Komiteti i kandidaturave brenda Këshillit Kombëtar, ku merr pjesë dhe kryetari. Ai pret kandidatët që vijnë nga baza për pushtet vendor ose qendror.

Një platformë në selinë blu është dorëzuar prej ish-deputetit Astrit Patozi dhe mbështetësit e tij, që në thelb nuk ka të bëjë me ndyshime statutore. Kryesia e PD-së i paraprinë mbledhjes së Këshillit Kombëtar të PD-së. Burime të sigurta nga selia blu kanë bërë të ditur se Këshilli i PD-së mblidhet më 20 prill, të premten e javës së ardhshme.  Në mbledhjen e Këshillit miratohen në mënyrë paraprake ndryshimet në statut, ndërsa dokumenti final miratohet në Kuvendin Kombëtar të PD-së, i caktuar të mblidhet më 28 dhe 29 prill.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qoqja: 14/04/2018 15:17

    Po ti shikojsh me vemendje jane te gjithe vrases hajdut shkatrrimtar asnjeri sta mbush syrin per te udhehequr nje opozite te ndershme demokratike

    Përgjigju
  • Ben Tironci: 13/04/2018 16:36

    Do mblidhet Keshilli i Ndrikullave.Karikaturat e politikes shqiptare.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht