TIRANË - Gjatë mbledhjes së Konferencës së Kryetarëve nuk pati dakordësi për miratimin e kalendarit të punimeve parlamentare për periudhën 20 janar - 7 shkurt 2025. Sot u zhvilluan diskutime lidhur me shqetësimet e ngritura nga deputetët e Partisë Demokratike mbi zbatimin e ndalimeve të parashikuara në Kodin Zgjedhor gjatë periudhës zgjedhore. Kalendari do t'i kalojë për miratim seancës plenare në parlament.
Deputetja Jorida Tabaku si dhe deputetja Ina Zhupa shprehën shqetësimin për miratimin e ligjit për heqjen e taksave, e cila sipas tyre nuk mund të votohet para zgjedhjeve të 11 majit.
'Ligji për heqjen e taksave shkel rregullat e Kodit Zgjedhor – nuk mund të votohet para zgjedhjeve të 11 majit! Kodi Zgjedhor e ndalon: Heqja e taksave nuk mund të kalojë në Kuvend gjatë vitit elektoral! Socialistët shkelin Kodin Zgjedhor me ligjin për heqjen e taksave në prag të zgjedhjeve të 11 majit! Nisma e taksave është jashtëligjore! Kodi Zgjedhor ndalon diskutimin dhe votimin gjatë vitit elektoral!', tha Tabaku.
Ndërsa për Zhupën një ligj i tillë është në kundërshtim me kodin zgjedhor dhe vjen si propagandë dhe premtim elektoral.
‘Ju po vini këtu në Konferencën e Kryetarëve me ligje që janë në kundërshtim me kodin zgjedhor. Me ligje që janë propagandë dhe vijnë si premtime elektorale. Çfarë është paketa e maleve, ligj për të gënjyer dhe për të mbledhur vota?! Kjo është! Ju do e sillni para zgjedhjeve dhe kjo është në shkelje të normave kufizuese të kodit zgjedhor’, theksoi Zhupa.
Në përgjigje të këtyre shqetësimeve, Partia Socialiste shprehu qëndrimin e saj se është plotësisht e angazhuar për respektimin e të gjitha parashikimeve të Kodit Zgjedhor. Megjithatë, PS theksoi se puna qeveritare dhe ajo parlamentare nuk duhet të ndalen, duke nënvizuar rëndësinë e vijimit të aktiviteteve ligjvënëse dhe qeverisëse në interes të qytetarëve.
Në këtë kuadër, të gjitha nismat që tashmë kanë hyrë në procedurë parlamentare do të trajtohen me prioritet maksimal, duke garantuar vijueshmërinë e funksionimit normal të institucioneve dhe zbatimin e përgjegjësive parlamentare.
Deputetja e PD-së Jorida Tabaku foli për mediat pas Konferencës së Kryetarëve në Kuvend. PD dhe PS nuk arritën të gjenin gjuhën e përbashkët për miratimin e kalendarit të punimeve parlamentare deri më 7 shkurt. Tabaku thotë se PS futi ligjin për faljen e taksave për 10 viteve në prag të fushatës elektorale për zgjedhjet e 11 majit duke shkelur Kodin Zgjedhor.
'Është një rekord botëror që për 12 vite asnjë produkt nuk ka sjellë parlamenti dhe mazhoranca për të akomoduar rekomandimet e OSBE, vjedhja e votës, ndikimi kriminal dhe kur flasim për integrimin këtë duhet të kemi parasysh që parlamenti po mbyll sesionin pa bërë ndryshimin në kod për gjithë rekomandimet. Grupi i PD ka insistuar që javët e fundit iniciativat të jenë në fokus të qytetarëve. Kalendari u miratua pa dakordësi, PS futi ligjin për faljen e taksave për 10 viteve.
Jemi mësuar me shkelje edhe të procedurës parlamentare. Kjo ka qenë normë dhe kjo është shkelje flagrante e kodit. Grupi i PD do çojë rekomandim në KQZ. Kumbaro dhe ministrat marrin kartat e identitetit, duke plotësuar në portalet për votimin e diasporës. Nis parlamenti me shkeljen e kodit me dy këmbë. Kjo ka qenë filozofia në 12 vite. Edhe duke ikur mendojnë për pakicën dhe oligarkët. Nuk duhej të vinte në fillim të janarit kjo iniciativë.'
Komente
Lajme të tjera
-
Zgjedhjet e 11 majit/ PS e PD dakordësi për ndryshimet në Kodin Zgjedhor! 209 mijë votues nga diaspora pa ID! Celibashi: Zgjasni vlefshmërinë e dokumenteve
20 Janar, 11:00
-
Kuvendi nis sot sesionin e fundit para 'shpërndarjes', ndryshimet në Kod për votën e diasporës ‘sfida’ e parë për konsensus! Begaj mesazh ligjvënësve
20 Janar, 07:44 -
Zgjedhjet e 11 majit/ Analiza e britanikëve të 'The Economist': Rama fiton mandatin e katërt, PD e dobësuar nga lufta e brendshme
19 Janar, 21:41 -
Balla këshilla Diasporës në Torino: Regjistrohuni të jepni votën për Shqipërinë në BE, kujdes me aplikimin në KQZ! S’duhen ndërruar as makina dhe as shoferi!
19 Janar, 20:35 -
Ben Andoni: Mungesa e debatit të politikës, ironi zgjedhore
19 Janar, 19:45
-
Zgjedhjet e 11 Majit/ PD zhvillon takime me Diasporën në Itali, Topalli, Alizoti, Hoti dhe Sula takojnë emigrantët në 3 rajone: Vota juaj na duhet për të rrëzuar Ramën
19 Janar, 17:58 -
Salianji letër nga qelia: Rilindja kërkon madhështinë e Edi Ramës, Opozita fuqizimin e qytetarit
19 Janar, 13:22
-
Nesër Kuvendi nis sesionin e fundit para 'shpërndarjes', ndryshimet në Kod për votën e diasporës ‘sfida’ e parë për konsensus! Begaj mesazh ligjvënësve
19 Janar, 13:10
-
‘Bardhi ka probleme me grupin e Berishës’, Lapardhaja në Report Tv: Saliu kërkon të bëjë pazare me Ramën
19 Janar, 13:07 -
Zgjedhjet e 11 majit/ Berisha porosi: Bindni emigrantët të regjistrohen
19 Janar, 12:43 -
Mero Baze: Lista e përbashkët e opozitës së re, si shenjë serioziteti opozitar
19 Janar, 07:07
-
Namir Lapardhaja: Pse Berisha vijon t’i poshtërojë ish-të përndjekurit politikë?
18 Janar, 20:46
