POP 5

Lajmet më të lexuara të 5 minutave të fundit

Kronikë

Masakër në pyllin e gështenjave në Pogradec! Specialisti i Zonave të Mbrojtura: Fenomen shqetësues! Në një vit vetëm 9 të proceduar për prerje të paligjshme

Edhe pse ligjërisht është zonë e mbrojtur, pylli i gështenjës në Pogradec masakrohet nga sëpatat e motosharrat. Banorë të zonës i presin gështenjat për dru zjarri apo për tregti. Agjencia e Zonave të Mbrojtura është në dijeni të fenomenit shqetësues, por duket e pafuqishme për ta ndalur masakrën.

Pogradeci është një nga zonat më të njohura në Shqipëri për prodhimin e frutit të gështënjes. Por pylli i gështenjave me një sipërfaqe rreth 700 ha 600 prej të cilavë zone e mbrojtur keqshfrytëzohet masivisht nga dora e njeriut.

Fenomeni i prerjes së pyjeve në mënyrë të paligjshme në këtë zonë është me shqetësues në stinën e dimrit pasi pemët e prera shfrytëzohen për dru zjarri. Pylli i Gështenjave nga i cili banorët presin të marrin të ardhura pas shitjes së ketij fruti për fat të keq po zhvishet dita ditës.

Sapo shkel në pyllin e Gështenjave ballafaqohesh me trungjet dhe degët e prera. Ky fenomen mjaft shqetësues pohohet dhe nga Agjencia e Zonave të Mbrojtura në Korçë. Specialisti i Gani Bego shprehet se banorët e fshatrave përreth pyllit janë shkaktarët.

“Në Pogradec ndodhen rreth 700 hektar pyll gështenje, në 600 hektar janë zonë e mbrojtur dhe 100 hektar pjesë e  pyllit bashkiak. Situata vitet e fundit është bërë një problem shqetësues, dhe për ne si adminstratë e Zonave të Mbrojtura pasi persona të papërgjegjshëm kanë filluar i dëmtojnë ato dhe i presin ato për dru zjarri”, tha Gani Bego.

Bego tha se janë ushtruar kontrolle në bashkëpunim me policinë dhe gjatë 2020-ës janë proceduar penalisht 9 persona.

" Kemi bërë rreth 9 konstatime, procesverbale, i  kemi çuar edhe për ndjekje  në Prokurori por prap problemi vazhdon të jetë shqetësues.  Domethënë çdo fshat ka persona specifik , që merren me dëmtimin e pyjeve”, shtoi Bego.

Prerja apo dëmtimi i pyjeve me ligjin e ri të miratuar në maj të këtij viti përbën vepër penale që dënohet nga gjobë deri në 1 vit burgim. Duket se as ashpërsimi i ligjit nuk e ka ndalur sëpatën mbi pyje!

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 04/12/2020 23:29

    MOS PRISNI GESHTENJAT MOR MASKARENJ,,,SHTOJINI ATO,,,QE TE FITONI PARA,,,APO NUK E DINI QE GESHTENJAT SHITEN NE ITALI PER COKOLLATA...

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51