Nga sot nisin në Spanjë dhjetë ditët e zisë kombëtare për viktimat e Covid

Duke filluar nga dita e sotme Spanja ka shpallur dhjetë ditë zi kombëtare për të nderuar 27 mijë viktimat e infeksionit nga koronavirusi.

Në 14 mijë institucione publike flamuri spanjoll do të valëvitet në gjysëm- shtizë deri më 5 qershor

Kjo është përiudha më e gjatë e zisë e regjistruar në 40 vite demokraci.

Shpallja e zisë kombëntare u njoftua nga Kryeministri Pedro Sanchez i cili tha se "Të gjithë ne do të ndalemi për të përkujtuar viktimat e fatkeqësisë më të rëndë të shekullit. Sfida e rindërtimit është mbi ne”.

Pedro Sanchez tha gjithashtu se "Të ndjerit meritojnë kujtesën tonë, por edhe harmoninë tonë, ne do të duhet të jetojmë së bashku në të njëjtin vend që ata ndërtuan".

Sanchez gjithashtu njoftoi se nga korriku Spanja do të lejojë hyrjen e turistëve të huaj.

Spanja, së bashku me Italinë, janë në mesin e vendeve më të prekura nga epidemia e Covid-19 në Europë

Lajmi kryesor:

Covid, regjistrohen 117 viktima në Itali! 5.6 milionë raste infeksioni në botë… Brazili epiqendër e pandemisë, tejkalon SHBA dhe Europën

TAG:
• SHBA
• Brazil
• Europa
• Koronavirus
• pandemi
• covid