Partia Demokratike nuk do t’i votojë ndryshimet e ligjore të propozuara nga socialistët, përmes së cilave synohet që gjykatat të mos lejohen më të pezullojnë ministrat apo postet e tjera kushtetuese. Në dalje të SPAK ku u paraqit për masën detyrim paraqitje, kreu i PD, Sali Berisha tha se këto ndryshime i mbyllin vendit tonë derën e integrimit në BE.

“Kurrën e kurrës. Ai është nen që prek të ardhmen e çdo shqiptari. Ai është nen që dënon çdo qytetar shqiptar me mbylljen e dyerve të integrimit. Ne jo vetëm që nuk do e votojmë, por do e kundërshtojmë atë në mënyrën më të fuqishme. Dhe 20 shkurti do jetë dita e kryengritjes së madhe kundër korrupsionit. Do jetë dita e kryengritjes së madhe kundër narkodiktatorit, kundër organizatës kriminale dhe kreut të saj”, tha Berisha.

Berisha akuzoi socialistët se këto ndryshime ligjore po i bëjnë për t’u mbrojtur nga drejtësia.

“Në sytë e botës, Edi Rama u thotë shqiptarëve se personalisht ai dhe organizata e tij kriminale dhe ministrat, qëndrojnë mbi ligjin, qëndrojnë mbi çdo gjë tjetër në këtë vend dhe nuk mund të hetohen. U kemi vjedhur dhe do u vjedhim. Ky është morali, e vërteta e këtij amendamenti që ata paraqesin sot”, tha Berisha.


Lajmi kryesor:

‘Rama nuk ikën dot në SHBA’, Berisha ‘gëlltit’ akuzat: Do shkoje te Trump si hajdut, ‘biletën’ ia siguroi Shqipëria si anëtare në Bordin e Paqes