PL e rithemeluar, Meta: Nepotizmi problem! Nëse Kryemadhi do të jetë në Kryesi duhet t'i nënshtrohet një votimi

Kreu i PLsë, Ilir Meta sqaroi për Marsela Karapançon në 'Frontline' problemet në Partinë e Lirisë për të cilat nevojitet riorganizimi i Konventës së 27 prillit.

'Është një rithemelim, që vjen si domosdoshmëri për ta shndërruar PL në instrumentin më të fuqishëm opozitar dhe nesër qeverisës për të garantuar 5 prioritetet që ndalojnë shpopullimin dhe garantojnë 4 milionë banorë plus shumë shpejt. Organizimi aktual nuk funksiononte. Modeli president, zv president, sekretar i përgjithshëm garanton një parti shumë ekzekutive. Një parti shumë demokratike në statut. Dhje kemi disa kandidatura deri tani. Kanë qenë të mirëpritur të gjithë, të paraqesin platformën e tyre. Gjithçka është bërë publike. Do jetë transparent.

Kërkojmë që PL të meritoj emrin e saj dhe këtë e bën vetëm duke u hapur dhe luftuar në gjithë drejtuesit e saj në të gjitha nivelet', tha Meta.

LEXO EDHE:
Rama mbledh të martën deputetët dhe ministrat në Kryesinë e Kuvendit! Porosia: Të mos ketë mungesa

Nga ana tjetër Meta sqaroi se cili mund të jetë roli i gruas së tij Monika Kryemadhi në Partinë e Lirisë pas Konventës së 27 prillit.

Karapanço: Jashtë Kryemadhi?

Meta: Është perceptim i gabuar, zonja Kryemadhi është deputete. Mund të jetë në të ardhmen deputete. Ajo do të jetë në çdo rast anëtare e Komitetit Drejtues Kombëtar. Nëse ajo dëshiron të qendroj në Kryesi duhet ti nënshtrohet një votimi, por problemi nuk është ky. Është më i gjerë, një nepotizëm i përmase më të gjerë në strukturat e rinisë dhe të partisë sonë. Kemi problem të madh në Krujë, por shpresoj t’i zgjidhim me mirëkuptim. Zgjidhjet do jenë shumë demokratike. Problemi më i madh është që Shqipëria vuan nga nepotizmi në administratë, në qeveri. Në sistemin e drejtësisë, në sistemin e doganës. Kjo ka pasoja të tmerrshme për funksionimin e administratës.

Lajmi kryesor:

INTERVISTA/ Ilir Meta në ‘Frontline’: Nëse ka urdhër-arresti, nuk arratisem! Dumani, kapter i Rilindjes! Tarallakut i çoj para SPAK dyfishin e 2 marsit

G.K/S.G/Shqiptarja.com

TAG:
• frontline
• Partia e Lirise
• Ilir Meta
• edi rama
• lulzim basha