Protesta e dhunshme e 7 tetorit, Gjykata liron nga burgu 2 protestues, i cakton 'arrest shtëpie'

Gjykata e Tiranës ka pranuar kërkesën e Prokurorisë për  masën e caktuar 'arrest shtëpie' për Xhevahir Rrushin dhe Gentian Tugun, të arrestuar pas protestës së 7 tetorit të opozitës.

 Akuza që rëndon për të dy të arrestuarit është ‘Goditje për shkak të detyrës dhe shkatërrim të pronës me zjarr’. Gentjan Tuga, u arrestua më 9 tetor, dy ditë pas pas protestës së opozitës.

Më 7 tetor, opozita zhvilloi një protestë e cila nisi para Kryeministrisë dhe më pas protestuesit u zhvendosën edhe në zona të tjera, ndërsa zgjati për 3 orë.

Protestuesit sulmuan me molotov selinë e Partisë Socialiste, Kryeministrinë, ministritë dhe Bashkinë e Tiranës, ndërsa nuk mungoi edhe thyerja e reklamave nëpër rrugët e kryeqytetit. 

Policia arrestoi 3 persona pas protestës me mololtovë pasditen e 7 tetorit, ku u sulmua Kryeministria, ministritë, Bashkia e Tiranës, si edhe selia e PS. Po kështu numri dy i Partisë Demokratike, Flamur Noka, kreu i grupit, Gazment Bardhi dhe sekretari organizativ, Minarolli janë vënë në hetim.

Ndërkohë, 9 protestues të cilët dyshohet si autorë të hedhjes me molotovë, janë shpallur në kërkim, mes tyre edhe një 17-vjeçar, për veprat penale "Prishja e qetësisë publike", "Goditjet për shkak të detyrës", "Shkatërrimi i pronës me zjarr", "Shkatërrimi i pronës", "Shkelja e rregullave mbi lëndët plasëse dhe djegëse" dhe "Kundërshtimi i punonjësit të policisë të rendit publik. 

S.B/Shqiptarja.com

TAG:
• protesta e 7 tetorit
• Xhevahir Rrushi
• Gentian Tugu
• PD