Kryeministri Edi Rama ishte sot në një takim në ‘Shtëpinë e Biznesit’ me përfaqësues të biznesit për të folur rreth reformës së re për inspektimet e bizneseve. Rama vlerësoi arritjet e këtyre viteve, megjithatë mbetet shumë për t’u bërë, pasi shpesh bizneset janë viktima të gjobave të inspektorëve.
‘E keqja është krijuar për të bërë dëm të madh por për tu harruar shpejt. E mira për të mos qenë asnjëherë mjaft. Njeriu është krijuar që të keqen ta harrojë ndërsa me të mirën të ketë gjithnjë konflikt, sepse kërkon më shumë. Nga sa larg kemi ardhur deri këtu. Çfarë marrëdhëniesh kemi patur mes shtetit dhe biznesit? Krijimi i strukturave dhe i mekanizmave që e bëjnë raportin mes shtetit dhe qytetarit të bazuar tek e vetmja alternativë, që do të thotë se shteti nuk bën dot pa qytetarin dhe në mes nuk ka alternativ korrupsioni’, thotë Rama.
Kryeministri e shikon reformën në inspektimin dhe vendosjen e masave administrative ndaj bizneseve shkelëse është një luftë për shtet-bërje.
‘Kjo luftë është një luftë shtet bërje që hap pas hapi, hapësira e ndërveprimi mes shtetit dhe qytetarit dhe hapësira e korrupsionit të ngushtohet. Sot jemi ku e ku me ku ishim. Por kemi akoma nevojë për të shtyrë përpara me durim dhe vendosmëri që hapësira e këtyre marrëdhënieve të zgjerohet tërësisht dhe shtigjet e penetrimit të korrupsionit të ngushtohen në pikën kur nuk është më fenomen shqetësues. Dhe për këtë kemi marrë nismën e fundit në Kuvend, për të adresuar në vijimësinë e të gjithë sektorëve të gjitha pikat e dobëta që kërkojnë adresim të ri. Na ndihmon shumë procesi i negociatave dhe dija e fituar por edhe eksperienca e BE’, theksoi Rama.
Rama foli për një rol të ri të inspektorit të biznesit dhe një ristrukturim të ri të inspektoriateve,të shkëputura nga ministritë dhe autonome në veprimtarinë e vet nën ombrellën e kryeinspektorit të përgjithshëm të shtetit.
'Sot është një pikë e dobët, pavarësisht investimeve që janë bërë, në inspektime. Por nga ana tjetër e dimë shumë mirë që ky presion vijon të jetë dhe nuk mund të justifikohet pasi mund të bëjmë një kapërcim tjetër. Një reformë e inspektoriateve. Një shkurtim i rëndësishëm i numrit të tyre. Një bashkim i një sërë funksionesh që janë të ndara, në një grup inspektoriatesh, një shkëputje nga ministritë për të dalë si një forcë e re dhe autonome në veprimtarinë e vet nën ombrellën e kryeinspektorit të përgjithshëm të shtetit. Të krijojmë bazën për një fazë të re duke ndryshuar qasjen por edhe përmbajtjen e kornizës së shtetit në figurën e inspektorit, në një status të ri', shton kryeministri.
Kryeministri tregoi edhe se ankesat do të bëhen tashmë edhe në prani të përfaqësisë nga trupat e biznesit për të rritur transparencën, pasi shteti është për t’i shërbyer biznesit dhe jo e kundërta.
‘Nuk do të jetë një trup që edhe do vendos gjoba dhe të marrë në shqyrtim ankesa. Ankesat do të bëhen edhe me trupat e apelimit në përfaqësinë e trupave të bizneseve, për të krijuar një barrikadë që të mos kapërcehet dot. Përtej kësaj, do të vendosim një parim të ri, jo gjobë në vizitën e parë. Nuk është biznesi për ti shërbyer shtetit, është shteti për ti shërbyer biznesit. Do të jetë shteti që do të hedh gjithmonë hapin e parë, për të shkuar më larg në procesin e shtet bërjes dhe më pranë krijimit të një shteti anëtar të BE, vizita e parë nuk ka gjobë, këshillim’, nënvizoi kryeministri.
Rama tha se bizneset korrekte në raport me shtetin nuk do të kontrollohen por ndëshkim të fortë të pabindurve.
‘Klasifikim i bizneseve. Bizneset korrekt në raport me shtetin nuk do të kontrollohen. Do jenë zonë e ndaluar për inspektim. Kanë treguar në një proces kohor që i janë përmbajtur kontratës me shtetin në mënyrë korrekte. Të ketë më pak inspektime, më shumë këshillim. Goditje katastrofike për biznesin që nuk futet në binar. Aty ku vihet gjoba do jetë goditje, një hap larg vdekjes së atij biznesi. Nuk ka arsye për të kontrolluar gjithë dynjanë edhe për të vënë gjoba’, tha Rama.
Kryeministri Edi Rama dhe Ministrja e Shtetit për Sipërmarrjen dhe Klimën e Biznesit, Delina Ibrahimaj ishin sot në një takim në ‘Shtëpinë e Biznesit’ me përfaqësues të biznesit për të folur rreth reformës së re për inspektimet e bizneseve. Ministrja e Shtetit për Sipërmarrjen dhe Klimën e Biznesit, Delina Ibrahimi u shpreh se inspektimet do të jenë të përqendruara drejt rritjes së performancës dhe drejt kritereve të riskut. Ajo theksoi se bizneset që respektojnë standardet nuk do të kontrollohen.
“Kriteret e riskut nuk janë vetëm fusha dhe objekti i aktivitetit, por çdo biznes do të ketë një pikëzim të riskut të tij. Pra biznesi i cili deklaron, i cili garanton standardet, nuk do të inspektohet, ndonëse fusha ku ai vepron mund të jetë me një nivel risku të lartë. Ne duam të ndërtojmë një databazë të madhe dhe një sistem risku, ku çdo biznes do të ketë pikëzimin e vet dhe do t’i shërbejë të gjithë inspektoriateve për të bërë planet e tyre të punës. Nga ana tjetër ne duam të kemi informim më të madh. Një pjesë e madhe e bizneseve nuk i respektojnë standardet, procedurat, ligjet sepse nuk kanë informacion të mjaftueshem për kriteret që iu kërkohen atyre nga institucionet publike. Do të punojmë për informimin e kritereve për t’u përmbushur, por edhe për informimin paraprak të subjekteve që do të jenë subjekt inspektimi, pasi qëllimi ynë nuk është penalizimi, qëllimi ynë është vetpërmbushja”, theksoi Ibrahimaj.
Ministrja nënvizoi se pas informimit, si pjesë integrale e procesit të inspektimit do të jetë rekomadimi duke sshmangur gjobitjen e menjëhershme.
“Një biznes do të përzgjidhet për t’u inspektuar, inspektoriati i caktuar do të shkojë të inspektojë dhe do të lërë një sërë rekomandimesh me qëllim që biznesi të përmbushë ato elemente që nuk i ka të përmbushura. Pas rekomandimeve, vetëm atëherë kur biznesi edhe pas rekomandimeve, duke vetdeklaruar përmbushjen e tyre, nuk i ka arritur kriteret e e kërkuara, atëherë do të vijë penalizimi”, tha Ibrahimaj.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
PO ato qe ti hane dardhat pas shpine si do ja besh?apo e ke te pamundur ti kapesh?
Përgjigju