VENDORET/ PS merr 53 bashki, Veliaj fiton thellë në Tiranë, mbi 58 mijë vota para Këlliçit! BF merr vetëm 7 bashki në total

Erion Veliaj ka siguruar fitore të thellë Në Bashkinë Tiranë. Ai ka thelluar edhe më tej fitoren përballë Belind Këlliçit të BF, me një diferencë mbi 58 mijë vota. Kandidati i PS, Erion Veliaj ka marrë 54.69% (158.688 vota). Sakaq, kandidati i koalicionit “BF”, Belind Këlliçi e ndjek në vendin e dytë me 34.58%(100351), me mbi 58 mijë vota diferencë. Më tej kandidatët e partive të tjera, më konkretisht Arlind Qori i Lëvizjes Bashkë ka marrë 4.77% të votave ose 13835 vota. Roland Bejko i PD-së ka marrë 12.388 vora ose 4.27%. Nga ana tjetër Lajla Përnaska e PDIU ka marrë 0.73% ose 2104 vota, ndërsa Marko Dajti i Frontit të Majtë ka 0.97% ose 2807 vota. 

Në bashkinë e Kavajës, fitues është shpallur kandidati i koalicionit Bashkë Fitojmë’, Fisnik Qosja i cili arriti të përmbyste rezultatin falë votave në kutitë e fundit të mbetura për t’u numëruar.

Në Bashkinë Rrogozhinë ka përfunduar numërimi dhe fitues Edison Memolla me 50.11% dhe kandidati i BF Shkëlqim Hoxha merr 49.89%. Diferenca është e ngushtë me vetëm 23 vota.

Partia Socialiste ka fituar thellë në Kamëz, me Rakip Sulin që ka marrë 60.36 përqind të votave, ndërkohë që kandidati I Berishës ka marrë vetëm 35.32 % të votave. Kandidati i PD Bilbil Bajraktari ka marrë vetëm 4.3%.

Edhe në Vorë socialistët kanë marrë një rezultat spektakolar. Janë numëruar 44 nga 44 kuti dhe Blerim Shera ka marrë 73.5 %të votave ndërsa Indrit Hoxha vetëm 26.5 përqind.

Qarku Shkodër është ndarë me rezultatin 3-2 për PS. Socialistët kanë marrë për herë të parë Shkodrën, gjithashtu edhe Vaun e Dejës, e ndërsa nuk kishte surprizë as në Malësinë e Madhe të cilën do ta drejtojë PS. Nga ana tjetër, koalicioni “Bashkë Fitojmë” kanë marrë Pukën dhe Fushë Arrëzin.

Për herë të parë, PS merr Shkodrën. Benet Beci merr fitore bindëse përballë kandidatit të Metës dhe Berishës, Bardh Spahia. Referuar të dhënave zyrtare, Benet Beci ka marrë 34302 vota, e ndërsa Bardh Spahia i koalicionit “Bashkë Fitojmë” mori vetëm 22678 vota.

Koalicioni “Bashkë Fitojmë” ka arritur që të marrë bashkinë e Pukës. Rrok Dodaj ka mundur kundërshtarin e tij socialist Gjon Gjonaj. Dodaj ka marrë 3480 vota, e ndërsa Gjonaj 2507 vota.

Në Fushë Arrëz, fitoren e merr kandidati i BF, Hil Curri me 58.99%, ndërsa kandidati i PS Fran Tuci merr vetëm 41.01%. E thënë ndryshe Curri ka marrë 2693 vota, e ndërsa Tuci i socialistëve 1872 vota.

Zef Hila i koalicionit “Bashkë Fitojmë” ka pranuar humbjen në Vaun e Dejës dhe ka shtrënguar dorën me kundërshtarin, Kristjan Shkreli.

Në Malësinë e Madhe fitoi socialisti Tonin Marinaj përballë kandidatit të Bashkë Fitojmë Isa Ramaj.

Në bashkinë e Lezhës, është rikonfirmuar për një mandat të dytë si kryebashkiak Pjerin Ndreu i cili fitoi përballë kandidatit të Bashkë Fitojmë Preng Gjoni. Ndreu siguroi 51.22% kundrejt 48.78% të votave që mori Preng Gjoni.

Ndërsa në Mirditë, fitues është shpallur Albërt Mëlyshi i Bashkë Fitojmë me 6355 vota përballë kandidatit të PS, Ndrec Dedaj me 5160 vota.

Në Kurbin është zgjedhur për një mandat të dytë, Majlinda Cara me një diferencë të ngushtë votash përballë rivalit të saj politik Behar Haxhiu.

Ka përfunduar numërimi i votave për kryetar në bashkinë e Durrësit dhe fituese është shpallur Emiriana Sako e Partisë Socialiste e cila kishte përballë Igli Carën e Koalicionit Bashkë Fitojmë. Sako ka siguruar fitore të thellë me 9721 vota diferencë. Ajo mori 55.57% të votave ose 48451, krahasuar me 44.43% të votave që mori Cara ose 38743.

Në Bashkinë e Shijakut janë mbyllur votimet dhe ka fituar kandidati socialist Elton Arbana me 66.31% të votave. Ndërsa rivali i tij i BF Rezart Tusha është në kuotat e 33.69 % të votave. 

Në Bashkinë e Krujës është mbyllur votimi dhe është shpallur fitues socialisti Artur Bushi.

Në Bashkinë Kukës është konfirmuar për një mandat tjetër kandidati i PS, Safet Gjici. Në kët ëgarë ai u përball me Admir Sinamatit të ‘Bashkë Fitojmë’ edhe Abedin Oruçi i PEISH.

Në Bashkinë e Tropojës ishte surpriza e madhe. Kandidati socialist Rexhë Byberi mori fitoren me 51.25% të votave ndërkohë që rivali i tij i ‘Bashkë Fitojmë’ Besnik Fushaj mori 48.75%.

Në Bashkinë e Hasit është kandidati i Bashkë Fitojmë Miftar Dauti që mori fitoren me 55.89% të votave përballë kandidatit socialist Beqir Mulaj, i cili ka mori 44.11% të votave.

Në Bashkinë e Fierit është mbyllur numërimi dhe kandidati socialist Armando Subashi ka shpallur fitoren. Armando Subashi merr 69.41% të votave, ndërkohë që ka një tjetër rezultat shumë interesant. Kur janë numëruar 218 nga 224 qendra votimi rreth 30% e votave ndahen mes dy kandidatëve të së djathtës, me kandidatin e Berishës, Evdar Kodheli që merr 19.35% të votave dhe që lë mbrapa kandidaten e Alibeajt, Eriselda Çelaj me 10.94% të votave.

Në Lushnjë procesi i numërimit ka përfunduar. Sipas rezultateve kandidatja e PS, Eriselda Sefa merr fitoren me 62.64% të votave. Ndërkohë kandidati i Bashkë Fitojmë, Eduart Sharka 37.36%.

Në Bashkinë Roskovec ka përfunduar numërimi. Kandidatja e Partisë Socialiste Majlinda Bufi merr fitoren me 52.52% përkundrejt 47.48% të votave të rivalit të saj të Bashkë Fitojmë Erdit Hazizaj.

Në Mallakastër, e cila mendohet se do të ishte një bashki me rivalitet, ka përfunduar dhe janë numëruar 50 nga 50 kuti. Kandidati i PS Qerim Ismailaj ka fituar dhe 48.4% të votave përkundrejt 45.9% të rivalit kryesor Agron Kapllanaj i Partisë Demokratike. Ndërkohë që kandidati i koalicionit Berisha-Meta Resmi Shanaj merr vetëm 5.7%.

Edhe në Bashkinë Divjakë kryeson PS dhe ka përfunduar. Josif Gorra i PS kryeson me 57.8% të votave përballë Aurela Malkos të Bashkë Fitojmë me 42.2%.

Në Bashkinë Patos ka përfunduar dhe fiton Fation Duro i PS me 69.97%, ndërkohë që Sofije Alushaj i ‘Bashkë Fitojmë’ është e dyta me vetëm 23.50%. Ndërsa kandidatja e PD Pranvera Rizaj vetëm 6.53%.

Në Bashkinë e Korçës ka përfunduar numërimi. Kryeson bindshëm kandidati socialist Sotiraq Filo, i cili merr mandatin e tretë me 60.63% vota përkundrejt 39.37% votave të kandidates së Bashkë Fitojmë, Ledina Alolli.

Në Bashkinë e Pustecit tashmë nuk ka histori. Partia Socialiste ka arritur ta marrë edhe këtë bashki. Sipas rezultateve  nga KQZ, kandidati i PS, Pali Kolefski ka marrë rreth 64.95%, ndërsa kandidati i PD, Pandi Jani 35.05%.

Ndërkohë që në Bashkinë e Devollit ka përfunduar numërimi, ku kandidati i PS Eduard Duro kryeson me 8376 vota, ndërsa Elvis Hajdërlli i BF me 8011 vota. Kandidati i pavarur Çlirim Hoxha ka marrë 81 vota.

"Çdo garë ka emocionet e veta. Kjo ka qenë gara më e bukur e jetës time, edhe pse më e vështira. Alibia e rivalëve ishte se morëm bashki të falur por dita e sotme tregon se populli i Devollit na beson dhe ajo bashki nuk ishte e falur. Sot nuk kam fituar unë, ka fituar Devolli. Jam kryetar për të gjithë e do punoj me të gjithë", tha Duro.

Në Bashkinë e Kolonjës ka fituar kandidati i Partisë Socialiste Erion Isai me rezultat të thellë, 64.28% të votave, ndërsa rivali i tij Ethem Lumani 35.72%. Isai merr një mandat të dytë.

Në Bashkinë e Pogradecit ka fituar PS me Ilir Xhakollin me afro 10 mij vota diference.

Edhe Bashkinë e Maliqit ka fituar kandidati socialist Gezim Topçiu i cili merr një tjetër mandat sipas këtij rezultati. Ai ka marrë 66.33% të votave, përkthyer në 13574 vota. Kandidati i BF, Alfred Gega, mori 33.62% të votave ose 6875.

Në Bashkinë Gjirokastër janë numëruar të gjitha kutitë e votimit ku është shpallur fitues kandidati i PS-së Flamur Golemi. Ai pasohet nga kandidati i "BF", Dorjan Lani. 

Në bashkinë Memaliaj, kandidati i dyshes Berisha-Meta, Albert Malaj është shpallur fitues me 52.75 %, ndërsa Gjolek Guci i PS-së ka marrë vetëm 47.25 %.

Në Bashkinë Dropull ka përfunduar numërimi dhe fitues është shpallur Dhimitraq Toli me 81.25% i Partisë Socialiste, ndërkohë që rivali i tij më i afërt Thanas Maneka i koalicionit 'Bashkë Fitojmë' ka marrë 14.87% të votave, ndërsa Kosta Garo nga Nisma Thurje ka marrë vetëm 3.88% të votave.

Edhe Bashkinë e Përmetit e ka fituar PS me kandidaten Alma Hoxha 76.78 % të votave ose 4417 vota. Rivali i saj Edmond Komino nga BE mori vetëm  23.22% të votave, ose 1336 vota.

Në bashkinë e Tepelenës ka përfunduar procesi i numërimit. Kandidati socialist Tërmet Peçi ka fituar me 82.67 %. Rivali tij Baftjar Imeri i BF ka fituar me 10.33 %, ndërsa Partia Demokratike ka fituar vetëm 7.00 %.

Në Bashkinë Këlcyrës ka përfunduar numërimi. Kandidati i Partisë Socialiste Klement Ndoni ka fituar me 49.33 %, kundrejt kandidatit të BF-së Arjan Kasaj i cili ka marrë 47.32 %, ndërsa Adriatik Spahiu ka marrë 3.35 %.

Në Bashkinë Libohovës ka përfunduar procesi i numërimit dhe fitues është shpallur Leonard Hide i Partisë Socialiste me 52.64 %, ndërsa kandidati i 'Bashkë Fitojmë' ka marrë Adil Xhelili ka marrë 47.36 %.

Në Qarkun e Elbasani socialistët kanë fituar 7-0. Edhe pse demokratët ishin të bindur për një fitore me Luçiano Boçit, sërish nuk ia dolën.

Nga 224 kuti votimi gjithsej ku rezultati është pasqyruar, Llatja ka marrë 56.06% të votave përkundrejt 43.94% të rivalit të tij Luçiano Boçi. Ky i fundit ka marrë 27683 vota, e ndërsa Gledjan Llatja 35575 vota.

Në Cërrik, socialisti Andis Salla ka fituar me 8444 vota. E ndërsa kandidati opozitar i koalicionit Bashkë Fitojmë, Servet Duzha ka marrë 3416 vota.

Në Librazhd, PS ka fituar bindshëm përballë koalicionit “Bashkë Fitojmë”. Mariglen Disha ka marrë 10364, e ndërsa kundërshtari i tij, Shefki Çota ka marrë 3557, duke humbur me një diferencë prej gati 7000 votash.

Në Peqin, Bukurosh Maçi  nga PS ka fituar përballë Mustafa Pashjas nga koalicioni “Bashkë Fitojmë”. Në përfundim të procesit të numërimit të votave, Maçi ka marrë 6400 vota e ndërsa Pashja 4677 vota.

Edhe në Gramsh socialistët janë shpallur fitues. Besion Ajazi numëron 6263 vota, e ndërsa kundërshtari i tij nga koalicioni “Bashkë Fitojmë”, Hasim Çekrezi, 5629 vota.
 
Belshi nuk bën përjashtim nga Bashkitë e tjera të qarkut. Edhe ai është “veshur rozë”. Kandidati socialist, Arif Tafani ka fituar me 4536 vota e ndërsa Bedri Qypi mori 4495 vota.

Edhe në Prrenjas, socialistët nuk diskutuan fitoren. Nuri Belba ia doli që të mundtte Suzana Topin nga koalicioni “Bashkë Fitojmë”. Kandidati i PS mori 6733 vota, ndërsa kandidati i koalicionit Berisha-Meta mori 4040 vota. 

Partia Socialiste ka marrë një fitore të thellë 4-0 në qarkun e Dibrës. Koalicioni Bashkë Fitojmë është mundur me një fitore të thellë, e ndërsa Partia Demorkatike e Enkelejd Alibeajt ka dalë në hije.

Në Dibër,  Rahim Spahiu ka fituar me 16 061 vota, e ndërsa kundërshtari i tij demokrat Ismail Uka ka marrë 6432 vota. Partia Demokratike e Enkelejd Alibeajt, ka dalë forcë e tretë, ku Naim Gazidede ka marë vetëm 1236 vota.

Valbona Kola e PS ka arritur që të korrë një fitore në Klos, me një rezultat prej 4466, e ndërda kundërshtari i saj 3499 vota. E thënë ndryshe, socialistët kanë fituar me 56.07 % të votave përkundrejt 43.93 % të kundërshtarit demokrat.

Në Bulqizë, Festime Mjeshtri ka fituar bindshëm përballë Dëfrim Fikut nga Koalicioni Bashkë Fitojmë. Ajo ka marrë 8364 e ndërsa kundërshtari i saj, 5514 vota.

Edhe në Mat, Agron Malaj ka fituar me 8524 vota, e ndërsa kundërshtari i tij nga koalicioni Bashkë Fitojmë 4370.

Në qarkun e Vlorës, ashtu si edhe në pjesën dërrmuese të qyteteve të vendit, shumica e bashkive është fituar nga Partia Socialiste.

Në bashkinë e Vlorë, kandidati i PS-së Ermal Dredha ka fituar me një përqindje shumë të lartë kundrejt kandidatit të BF-së Hysni Sharra. Ermal Dredha ka fituar 70.55% të votave, ndërsa Hysni Sharra ka marrë vetëm 29.45%.

Në Selenicë janë numëruar kutitë dhe ka fituar kandidati i PS-së Nertil Ballaj ka fituar 59.01 % dhe kandidati i BF Leonard Rakipaj ka marrë 40.99 %.

Në bashkinë e Sarandës fitues është shpallur kandidati i PS-së Oltion Çaçi me 52.46 %. Ardit Çikuli i koalicionit 'Bashkë Fitojmë' ka fituar 33.28 % të votave. Kandidati i Pavarur Gjergji Mërkuri ka marrë 1480 dhe PD me kandidat Skënder Muço, ka marrë 669 vota.

Në Bashkinë Delvinë fitues është shpallur kandidati i mazhorancës Besmir Veli me 63.64 %, përballë kandidatit të BF Ilir Mehmeti me 36.36 %.

Në Bashkinë e Konispolit është shpallur fitues Orges Dule i PS-së me 54.67 % përballë kandidatit të Bashkë Fitojmë Fatmir Shero me 45.33 %.

Në Bashkinë Finiq janë numëruar 49 nga 50 kuti dhe kjo është e vetmja bashki ku deri më tani kryeson një kandidat i një force tjetër politike përveç PS dhe BF. Romeo Çakuli i partisë minoritare MEGA me 38.60 % është i pari, i ndjekur nga kandidati i BF Leonidha Hristo me 32.22 % Ndërsa kandidati i Partisë Demokratike Leonidha Papa merr 29.18 % të votave.  

Në bashkinë e Himarës ka fituar Fredi Beleri, i koalicionit Bashkë Fitojmë. Fredi Beleri fitoi me 19 vota më shumë kundrejt kandidatit socialist Jorgo Goro.

Në Bashkinë e Lezhës ka përfunduar numërimi i kutive ku Pjerin Ndreu është shpallur fitues kundrejt kandidatit të Bashkë Fitojmë Pashk Gjonit.

Në Mirditë ka përfunduar numërimi i 48 kutive. Kandidati i 'Bashkë Fitojmë' Albert Mëlyshi' ka fituar me 55.19 % të votave. Ndërsa Ndrec Dedaj i Partisë Socialiste ka marrë 44.81 %.

Nga Bashkia e Kurbinit janë numëruar 42 nga 74 kuti kryeson kandidatja socialiste, kryebashkiakja aktuale, Maljinda Cara me 51.04 % të votave përkundrejt 48.96% të kandidatit të opozitës Behar Haxhiu.

Nëse Partia Demokratike do të ishte e bashkuar, opozita do të kishte fituar në Kuçovë. Lefter Maliqi ka marrë 6222 vota e ndërsa Ilirjan Koxhaj i PD ka marrë 739. Pra nëse do ishin bashkë opozita do numëronte 6961 vota. Mirëpo në kushtet kur janë të ndarë, kandidati socialist ka fituar me 6904.

Ilir Meta nuk ka arritur që të fitojë as në vendin e tij të lindjes, Skrapar. Kandidati i koalicionit “Bashkë Fitojmë” Euglen Mustafallari ka marrë 2733 vota, e ndërsa Adriatik Mema është shpallur fitues me 3456 vota.

Në Berat Ervin Demo nuk e ka diskutuar fitore. Ai ka fituar me mbi 6 mijë vota më shumë. Më konkretisht socialistët kanë marrë 16580, e ndërsa Zija Ismaili nga koalicioni “Bashkë Fitojmë” 10394 vota.

Në Dimal, Juliana Memaj nga PS ka arritur të fitojë. E ndërsa në këtë bashki tërheq vëmendje fakti që Partia Demokratike ka dalë forcë e dytë. Dritan Sula ka arritur që të marrë 4105 e ndërsa kandidati i koalicionit Bashkë Fitojmë 1475 vota. Edhe nëse do të ishin të bashkuar, nuk do mund të mundnim Memajn e cila grumbullon 5774 vota.

Adriatik Zotkaj i PS në Poliçan është shkëputur thellë në fitoren e tij përballë 2 kandidatëtve të djathtë. Ai ka marrë 3756, e ndërsa Behar Xhaferaj nga BF dhe Florian Qama nga PD nuk bëjnë së bashku nuk arrijnë as gjysmën e votave që ka marrë Zotkaj. Më konkretisht Xhaferaj ka marrë 461 vota dhe Qama 545 vota.