Kryetari i Bashkisë së Tiranës, Erion Veliaj, Ministrja e Bujqësisë, Anila Denaj, ministrja e Arsimit dhe Sportit, Ogerta Manastirliu dhe kryetarja e Kuvendit, Elisa Spiropali morën pjesë në takimin me fermerët e Qarkut të Tiranës, për prezantimin e “Skemës Kombëtare të Investimeve” me fokus zgjerimin dhe modernizimin e veprimtarive të fermerëve dhe blegtorëve, për të rritur prodhimin e produkteve shqiptare.
Në fjalën e tij, Veliaj u bëri thirrje fermerëve të pajisur me NIPT, që të dërgojnë aplikimet e tyre, deri në datë 8 nëntor, për të përfituar falas pajisje që lehtësojnë punën e tyre në fermë.
“Lajmi i mirë është se kemi edhe qendrën tonë të agro-përpunimit dhe tregtisë në Farkë. Praktikisht, aty ku është supermarkata apo qendra tregtare më e madhe në republikë, ne kemi bërë edhe qendrën më të madhe tregtare, tani për bujqësinë. Këtu kemi bërë investimin më të madh në fermë dhe në bujqësi”, tha ai.
Nga ana e saj, ministrja e Bujqësisë, Anila Denaj u shpreh se kjo është një mundësi shumë e mirë për të gjithë fermerët.
“Vijmë nga një vit, i cili ka lançuar, ka implementuar skemën e subvencioneve të drejtëpërdrejta, një fond i qeverisë, i cili shkon për vit për të ulur kostot e fermerit, por aktualisht jemi duke dhënë informacion për skemën e investimeve në bujqësi, e cila synon rritjen dhe zgjerimin e kapaciteteve prodhuese në fermat bujqësore dhe blegtorale. E gjithashtu, në modernizimin e fermave tona për të rritur rendimentin, por njëkohësisht për të ulur dhe koston, e po ashtu, për të eleminuar disa nga problematikat në disa zona të Shqipërisë, e pse jo ndoshta edhe në Tiranë, të parandalojmë situatat që kushtet klimatike, ato që vitet e shkuara na kanë ekspozuar ndaj breshërit, të humbjes së produkteve në zonat e lindjes dhe jugut të Shqipërisë.
E për këtë kemi vendosur në fokus edhe një investim në atë që është rrjetat anti-breshër. Sigurisht, akuakultura do vullnet e ne kemi sot mundësi të flasim dhe për këtë edhe pse ndoshta në qarkun e Tiranës mbase interesi do të jetë i munguar, por jemi duke folur për një investim në të gjithë Shqipërinë nga veriu në jug, nga lindja në perëndim. Një mundësi që qeveria shqiptare me një fond prej 15 mln eurosh e bëri të mundur me Aktin Normativ më të fund”, tha Denaj.
Ndërsa ministrja e Arsimit, Ogerta Manastirliu tha se: “Skema kombëtare e mbështetjes 2024 prek fermerët në të gjithë vendin dhe është një investim direkt tek prodhimi bujqësor. Nga takimet që kam patur në zonat rurale të Tiranës është theksuar nevoja e kësaj mbështetje dhe kjo është një mundësi e artë për të gjithë fermerët, një mundësi të cilën jo vetëm nuk duhet ta humbim, por duhet ta shfrytëzojnë për të rritur ekonominë e tyre familjare por edhe për të rritur ekonominë në tërësi të zonave rurale”.
Lajme të tjera
-
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Nata e dytë e Fest 63, 15 artistë të tjerë ngjiten në skenë
20 Dhjetor, 20:50 -
Konfirmimi i prokurores Eranda Laze ankimohet në Kolegj
20 Dhjetor, 19:41 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Të çash trafikun në Tiranë, 'mision i pamundur'! 'Paralizohen' rrugët, radhë të gjata mjetesh edhe në autostradën Thumanë -Kashar (VIDEO)
20 Dhjetor, 17:32 -
U zbulua në Rinas, ilaçi për ftohje a po trafikohet për të përzierë drogën?
20 Dhjetor, 17:25
-
Goditën me sende të forta 34 vjeçarin, arrestohen 2 të rinjtë në Tiranë
20 Dhjetor, 15:38 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Detaje/ Si u pastruan 11 mln euro të krimit përmes ‘Green View Marketing’, i çuan në Kanada! Kompania u krijua nga roja e plazhit! Në sitë 38 shoqëri të huaja, me aktivitet kazino e baste online
20 Dhjetor, 14:29 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Do grabisnin dhe do vrisnin dhëndrin e Qazim Sejdinit më 2020, GJKKO dënon me 27 vite burg 3 persona! Përfitojnë nga gjykimi i shkurtuar (EMRAT)
20 Dhjetor, 13:40 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31
