Sekretari i Përgjithshëm i Partisë së Lirisë, Tedi Blushi, doli sot (20 Nëntor) në një tjetër deklaratë publike për mediat në lidhje me arrestimin më 21 tetor të kryetarit Ilir Meta dhe masës shtrënguese të GJKKO të lënë dje (19 nëntor) në fuqi nga Apeli.
Bashkë me të ishte edhe avokati Genc Gjokutaj, teksa dhanë argumente sipas tyre, se përse arrestimi ishte i paligjshëm pa prova dhe me motive politike.
Ndërkohë që po sot, në orën 17:00, në Selinë e Partisë së Lirisë do të mbahet edhe mbledhja e Kryesisë.
Blushi e cilësoi rrëmbim kriminal dhe izolim politik ekstrem të kryetarit të partisë së dytë opozitare më të madhe në vend, sikurse edhe një “proces të neveritshëm politik e mafioz”.
Teksa e quajti edhe një shkelje flagrante e Kushtetutës, Konventës Europiane dhe të Drejtave të Njeriut, Blushi sulmoi edhe Drejtësinë si të vendosur nën diktatin e Ramës, por edhe “nën thundrën e mafias ndërkombëtare”. Ai nuk kurseu akuzat për drejtësinë si të lidhur me Ramën, Sorosin, McGonigalin dhe atë që e quajti mafia ndërkombëtare.
Deklarata e plotë e Tedi Blushit:
“Në funksion të transparencës, ndjejmë detyrimin të sqarojmë para të gjithë shqiptarëve të gjitha argumentat e pakundërshtueshme pse hetimi i paligjshëm, rrëmbimi kriminal dhe izolimi politik me masë ekstreme i Presidentit të Partisë së Lirisë, partisë së dytë opozitare në vend dhe partisë së tretë prej 20 vitesh, Z. Ilir Meta është kryekëput një proces i neveritshëm politik, tërësisht i papranueshëm dhe totalisht mafioz, i pabazuar në ligj, në shkelje flagrante të Kushtetutës, të Konventës Europiane të të Drejtave të Njeriut, krejtësisht i pambështetur në asnjë dokument, në asnjë fakt penal dhe në asnjë provë, në dhunim brutal dhe të plotë të parimit të prezumimit të pafajësisë dhe të një procesi të rregullt ligjor.
Është tanimë e qartë, si drita e diellit se drejtësia e sorosifikuar, nën diktatin e Edi Ramës dhe thundrën e mafias ndërkombëtare, po shërben sot si vrasës me pagesë për llogari të tyre për të asgjësuar opozitën e vërtetë, pluralizimin dhe demokracinë, në funksion vetëm të axhendave mafioze personale, politike dhe elektorale të Kryeministrit, duke e shndërruar sot Shqipërinë ndër të paktat vende në botë me të burgosur politikë.
Është e qartë se edhe vendim i djeshëm i Gjykatës të Posaçme të Sorosifikuar të Apelit, afërmend për të lënë në arrest me burg siç e diktoi SPAK-u, Presidentin e Partisë së Lirisë, Ilir Meta është i sponsorizuar nga Qeveria dhe McGonigalët sorosianë, si dhe vijim i hetimit skandaloz ndaj tij, të nisur në kulmin e përplasjes me Kryeministrin Rama për mbrojtjen e Gjykatës Kushtetuese, të bazuar vetëm në mashtrime, manipulime dhe njëanshmëri ekstreme, që u konkludua me rrëmbimin banditesk, siç e panë të gjithë shqiptarët, nga banditë me maska, të armatosur rëndë dhe të pa identifikuar.
Dosja e fëlliqur dhe e sponsorizuar nga armiqtë më të mëdhenj të Shqipërisë dhe të kombit shqiptar kundër Presidentit Meta, që nuk ka asnjë fakt penal dhe asnjë provë ndaj tij, vërteton botërisht se drejtësia e sorosifikuar nuk funksionon mbi bazën e parimeve kushtetuese dhe të së drejtës, por mbi bazën e urrejtjes, hakmarrjes primitive, urdhrave politikë dhe metodave policeske të një shteti diktatorial.
Presidenti i Partisë së Lirisë, z.Ilir Meta është sot i burgosur politik vetëm për shkak të qëndrimeve të tij shumë të drejta institucionale, politike, patriotike dhe qytetare në mbrojtje të interesit kombëtar dhe sovranitetit të Republikës së Shqipërisë, të çështjes së Detit dhe të mbrojtjes së pakompromis të kufijve të Kosovës, të kundërshtimit të hapur “Ballkanit të Shqepur”, si dhe për shkak të denoncimit të pakompromis të inkriminimit dhe korrupsionit skizofrenik të Edi Ramës, Narkoshtetit dhe Drejtësisë së sorosifikuar nga koka tek këmbët.
Ndaj desorosifikimi i drejtësisë, që ka prodhuar prokurorë e gjyqtarë, vetëm vegla qorre dhe mercenarë politikë si Dumanë e Dvoranë, është sot një emergjencë kombëtare ndaj dhe Partia e Lirisë është më e vendosur se kurrë për t’i prirë me çdo çmim dhe sakrificë betejës për çlirimin e vendit dhe të shtetit dhe rivendosjen e shtetit të së drejtës dhe barazisë përpara ligjit për çdo qytetar.
Asnjë vendim gjykate, asnjë veprim i mjerë i Narkoregjimit dhe asnjë fuqi tjetër nuk e ndal dot betejën e vendosur të qindra mijëra anëtarëve tanë, brenda dhe jashtë vendit, për çmontimin e Narkoshtetit dhe vënien sa më parë në jetë të 5 Prioriteteve tona për 4 milion shqiptarë plus”.
Komente
Lajme të tjera
-
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Dosja/ 'Me Bajrët je në burg, ose varr! Mos i ki besë policëve!’ Si e paralajmëroi Suel Çela ‘gjahtarin’ Prekë Kodra dhe çfarë i premtoi
27 Nëntor, 17:40 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Abuzimi me 2 tenderët e naftës, GJKKO dënon me 1 vit burg ish-prefektin e Kukësit, Granit Gjana! I konvertohet në 2 vite shërbim prove (Vendimi)
27 Nëntor, 16:32 -
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32
Akoma ha mut ky T Blushi i PL, sikur mërdhifi kjo Partia e Like Floririt apo akoma kanë lek
Përgjigju