Një pjesë e banorëve të 'Unazës së Re' kanë dalë edhe këtë të diel për të protestuar ndaj projektit 'Unaza e Madhe'. Në ditën e 36 të protestës, ata kërkojnë dëmshpërblim 100% për shtëpitë të cilat do të preken nga projekti, që sipas tyre, është i paligjshëm dhe i ndërmarrë vetëm për përfitime personale të qeverisë. Sikurse janë përkrahur përgjatë një muaji nga kreu i PD-së Lulzim Basha, prania e tij është vënë re edhe sot.
Kryetari i Partisë Demokratike, Lulzim Basha është shprehur nga zona e 'Unazës së Re' se është e pajustifikueshme që ende nuk ka një prononcim nga autoritetet shqiptare përsa i takon projektit "Unaza e Madhe", që e cilëson si një "aferë korruptive".
Të veshur me jelekë fosforeshentë, teksa Basha flet për mediat, banorët brohorasin: "Shtëpia jonë, gjaku jonë", "Poshtë qeveria", "Do të të rrëzojmë në dhjetor, o Edvin kryehorr", "Qeveria e krimit" , "Poshtë projekti", etj. Një banore u shpreh me megafon në dorë se protesta po zhvillohet për të luftuar korrupsionin e oligarkëve. "Është detyrë e të gjithë qytetarëve që t'i bëjnë rezistencë krimit, për të ardhmen e fëmijëve tanë dhe për të ardhmen e popullit", tha më tutje ajo.
Banorët kanë përmendur edhe protestën e studentëve që është zhvilluar përgjatë 6 ditëve me radhë. Ata i cilësuan studentët si e ardhmja e vendit dhe pikërisht për këtë arsye u shprehën se ata do të kenë deri në fund mbështetjen e tyre. E megjithatë, krahas këtyre deklaratave, një banore theksoi se protesta e tyre nuk do të arrijë dot ta shuajë zhurmën e protestës së banorëve në "Unazën e Re".
Ata i bënë thirrje Bashkisë së Tiranës që në javën e ardhshme të mos guxojë të sjellë makineritë e rënda për të prishur banesat, duke kërcënuar më tej me përshkallëzim të situatës. Kjo pjesë e banorëve të 'Unazës së Re' përmendi edhe protestuesit e arrestuar. Nën thirrje të vazhdueshme, ata u shprehën njëzëri se në vend të tyre duhet të ishin në burg politikanët që sipas tyre kanë planifikuar projektin e paligjshëm.
Duke i cilësuar si heronj Dorjan Protoduarin dhe Ilir Sketirajn, ata thanë se sot ata do t'i gjendeshin në krah edhe studentëve në protestë. Dorjan Protoduari dhe Ilir Sketiraj u ndaluan në fund të nëntorit, së bashku me 10 të tjerë, për shkak të dhunës që u ushtrua ndaj 15 efektivëve të policisë përpara Kuvendit. Teksa 10 personave iu vendos masa e sigurisë "detyrim paraqitje", Gjykata vendosi për Protoduarin, organizatorin e protestës përpara Kuvendit, masën e sigurisë "arrest me burg" dhe për Ilir Sketirajn, i cili tentoi të qëllojë kryeministrin Edi Rama, masën e sigurisë me "30 ditë burg". (Lexo këtu).
Kryetari i Partisë Demokratike, Lulzim Basha është shprehur në ditën e 36-të të protestës së banorëve të "Unazës së Re" se është e pajustifikueshme që ende nuk ka një prononcim nga autoritetet shqiptare përsa i takon projektit "Unaza e Madhe".
Kreu i Partisë Demokratike e mbështet tanimë qëndrimin e tij tek materialet e publikuara pak ditë më parë në emisionin "Të Paekspozuarit", të cilat ngrenë dyshime për falsifikimin e dokumenteve në SHBA nga kompania fituese e lotit të parë të "Unazës së Madhe" me vlerë 18.8 mln euro, "DH Albania shpk".
Basha vijon të insistojë se projekti "Unaza e Madhe" është një skemë pastrimi parash dhe se forca e tij politike do t’i mbështesë deri në fund banorët e ‘Unazës së Re’ në kauzën e tyre.
Sikurse dje, ai kërkoi edhe sot arrestimin e kryeministrit Edi Rama, ministrit të Energjitikës dhe Infrastrukturës Damian Gjiknuri, kreut të ARRSH-së Afrim Qendro dhe të të gjithë atyre që sipas tij janë përfshirë në këtë aferë korruptive.
Investigimi i medias dhe autoriteteve amerikane provuan falsifikimin e dokumenteve për projektin 40 milionë. Arta Marku mbron këtë aferë korruptive. Arta Marku e emëruar nga Rama, po mbron personin e kësaj afere. Edi Rama është ulur këmbëkryq me Salillarin, Viktoria Invest dhe Biba x për të ndarë miliona euro. Por, Prokuroria nuk ka ndërmarrë asnjë veprim për të marrë në pyetje pronarët e kompanive.
Sot dua të shtroj pyetjen para shqiptarëve, kush e ka fuqinë politike në këtë vend në një aferë ku përfshihet ARRSH, në krye të së cilit qëndron personi më i besueshëm i Ramës, Afrim Qëndro? Kemi të bëjmë me një projekt vjedhje. Këtu nuk ka projekt investimesh, por është plan vjedhjesh. Sot Shqipëria është në këmbë dhe "Unaza" është në këmbë. Është e njëjta skemë e Teatrit Kombëtar.
Lulzim Basha, Kryetar i Partisë Demokratike
Komente
Lajme të tjera
-
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Basha: Tymi që mbulon sot Elbasanin është akuza më e madhe publike ndaj Edi Ramës, projekt korruptiv
9 Nëntor, 15:58 -
Berisha: Mosbindja civile do të vazhdojë, në Parlament për të mbrojtur qytetarët nga vjedhja e buxhetit! Basha stoli e Ramës
9 Nëntor, 14:31 -
Berisha e akuzon, Basha i përgjigjet: Nëse unë isha me Ramën, pse atij dhe familjes i shtoheshin pasuria, lejet e ndërtimit dhe kullat? Patericë e kryeministrit, viktimizohet me McGonigal
8 Nëntor, 14:21
NATEN TEK UNAZA E RE DITEN ME STUDENTET DERI SA RAMA TE RREZOHET
Përgjigju