Milani e mbylli me sukses fazën parasezonale me një tjetër fitore dhe kjo nën sytë e presidentit Gerry Cardinale. Në "San Siro" kuqezinjtë mposhtën 3-1 Monzën në ndeshjen që vlente për trofeun "Silvio Berlusconi", ish-presidentin e ndjerë të të dyja skuadrave.
Përballja u zhbllokua pas 11 minutave lojë nga Saelemaekers, me kuqezinjtë që panë një djalë të dinastisë Maldini t'i barazonte. Daniele, në të 34 minutë vendosi ekuilibrat për 1-1, me pjesën e parë që u mbyll me këtë rezultat.
Me të nisur pjesa e dytë, Fonseca bëri shumë lëvizje, ndër to duke nxjerrë jashtë edhe Moratën për Jovic. Pak sekonda në fushë dhe Jovic do gjente rrugën e rrjetës, për të rikthyer kuqezinjtë në avantazh.
Dueli u vulos nga Reijnders me golin në minutën e 56-të. Kështu, Milan siguron trofeun "Silvio Berlusconi" dhe Fonseca sheh një ekip të pamposhtur në fazën parasezonale.
Tanimë fokusi i Milanit është në datën 17 gusht, aty ku në orën 20:45 pret në "San Siro" Torinon, me sfidën që vlen për javën e parë të sezonit të ri në Serie A.
Milani fitoi të martën në mbrëmje trofeun "Silvio Berlusconi", duke mundur 3-1 në "San Siro" Monzën që drejtohet nga Alessandro Nesta. Pas ndeshjes për mediet foli trajneri i Milanit, Paulo Fonseca.
"Çfarë emocionesh ndjetë sot?
Ndjenja është shumë pozitive. Sot ishte ndeshja e parë, ishte shumë pozitive me tifozët tanë. Kemi pesë javë punë, kemi ende shumë për të punuar dhe përmirësuar. Kemi filluar të shohim gjëra që janë idetë e lojës tonë, por duhet të vazhdojmë të punojmë. Milani dëshiron të dominojë, ta rikuperojë topin në fushë, tashmë mund të shohim diçka në këtë drejtim.
A ju mungon mesfushori që doni?
Ky mesfushor është Fofana, e dimë të gjithë.
Saelemaekers dhe Morata…
Morata punon shumë me ekipin, si në sulm ashtu edhe në mbrojtje. Ai nuk ka punuar shumë me ne, por ka luajtur mirë. Është hera e parë që punoj me Saelemaekers, të gjithë thonë se ka ndryshuar. Nuk e di nëse është e vërtetë, por më pëlqen. Ai punon në pozicione të shumta dhe gjithmonë bën zgjedhje të mira me topin. Si trajner dua që të qëndrojë me ne.
Dy fjalë për Jovic dhe paraqitjet e tij?
Unë nuk e njihja mirë Jovic, më ka befasuar javët e fundit. Ai është një lojtar që mund ta ndihmojë shumë ekipin në zonë. Mënyra se si ka punuar në javët e fundit më ka pëlqyer shumë", tha mes të tjerash Fonseca.
Lajme të tjera
-
VIDEO/ Milani 'pa frena', mund Barcelonën në miqësoren me katër gola
7 Gusht, 10:59 -
Wolves i kthehet ëndrrës së vjeter, Chelsea i vendos çmimin Brojës! Shqiptari do Milanin
5 Gusht, 15:11 -
Spektakël në SHBA, Milani mposht minimalisht Real Madridin
1 Gusht, 21:08 -
VIDEO/ Milani mund 3-2 Manchester Cityn, dy humbje radhazi për 'Qytetarët'
28 Korrik, 14:42 -
Zyrtare/ Alvaro Morata është i Milanit: Kam besim te Ibra dhe Fonseca, mezi pres t'ia nisim
17 Korrik, 13:49 -
Paulo Fonseca prezantohet te Milani: Këtu për të fituar trofe
8 Korrik, 22:58 -
Firma me Thomas Strakoshën një 'telenovelë', portieri joshet nga rikthimi në Serie A! Dy klube pas tij
8 Korrik, 18:25 -
Javë e madhe në Serie A, Juventus dhe Milan zbulojnë trajnerët e rinj
11 Qershor, 16:31 -
E konfirmojnë në Itali, Milani vihet pas Armando Brojës
6 Qershor, 21:56 -
Shtatë gola në Australi, Roma mposht 5-2 Milanin
31 Maj, 17:56 -
GOLAT/ Epilogu i Serie A, Juventus mposht 2-0 Monzën! Salernitana befason 3-3 Milanin në 'San Siro'
25 Maj, 20:50 -
Zyrtare/ Milani shkarkon Stefano Piolin
24 Maj, 16:50
