POP 5

Lajmet më të lexuara të 5 minutave të fundit

Opinion

Ylli Pata: Impakti politik i zbritjes së Berishës nga kati i tetë

Vendimi i GJKKO-së, edhe pse është sjellë si një akt procedurial, ka sjellë një impakt poltik të fuqishëm ë terren. Një impakt politik shumëdimensional, që do të ketë pasoja, por më shumë zhvillime politike drejt zgjedhjeve parlamentare por jo vetëm

Ylli Pata: Impakti politik i zbritjes së Berishës nga kati i tetë

Sali Berisha

Vendimi i GJKKO-së, edhe pse është sjellë si një akt procedurial, ka sjellë një impakt poltik të fuqishëm ë terren.

Një impakt politik shumëdimensional, që do të ketë pasoja, por më shumë zhvillime politike drejt zgjedhjeve parlamentare por jo vetëm.

Ai akt, ka krijuar një traumë të rëndë në një pjësë të madhe të publikut, se një i akuzuar ppër në vepër korrupsioni të llahtarshme, mund të jetë në liri, mund të drejtojë parti e bëjë propagandë, vetëm se e ka mundësinë ta bëjë një gjë të tillë.

E pikërisht ky standard i vendosur ka krijuar një brengë, një traumë, se kemi të bëjmë me një qëndrim thuajse politik të drejtësisë së re.

E me hapjen e këtij kapitulli të ri, ka shumë gjasa që ka humbur ai perceptimi se kemi të bëjmë me një grup apo organ “spartan” që nuk ndikohet nga klima e jashtme, por vetëm shikon drejt.

Në rastin e Sali Berishës, është parë më shumë se drejt. Kur kemi të bëjmë me një rast korrupsioni të shkallës së parë, të provuar në më shumë se 500 faqe të argumentuara.

Në radhë të parë, ai publik që është traumatizuar nga lirimi i Sali Berishës, nuk do ta mund ta gëlltisë siç ka bërë deri tani që një zyrtar të së majtës ta rrastë brenda qoftë edhe me një dyshim apo akuzë për shpërdorim detyre. Ke nxjerr jashtë një kryeministër që i dha vajzës së vet një llokëm të artë të Tiranës!

Nejse përjashto frustrimin e të majtëve për lirimin e Berishës, kemi entuziazmin e mbështetësve të doktorit për këtë akt. Që nuk janë kursyer, qoftë spontan apo i dirigjuar. Por në fund, janë qëndrime palësh. Mbështetësit e doktorit e konsiderojnë zbritjen nga kati i tetë si pafajësi edhe pse nuk është e tillë.

Por si perceptim ashtu është marrë. E në zgjedhjet duket se do të përplaset sërish brenga për të paprekshmit që sido që të jetë e gjejnë një artific ligjor, kurse ca të tjerë që edhe mund të jenë të përfshirë në afera, nuk mund e nuk kanë pse të thehen në armë politike kundër një pjese politike që e ka sjellë këtë drejtësi të re.

Ndaj liria e Berishës ka shumë gjasa që të kthehet në një argument politik më shumë se juridic në fushatën e zgjedhjeve, ku nga ana tjetër është edhe precedent.

Sepse Ilir Meta, sot më shumë se dje kërkon që të jetë i lirë, edhe pse akuzohet gjithashtu për vepra të rënda. Natyrisht që kemi të bëjmë me një zhvillim procedurial e juridic që duhet të mësohemi, ku masat e sigurisë, gjykimi e më pas vendimet që kanë shkallët e tyre, nuk duhen future në luftën politike.

Por ndërkaq, e kanë bërë, zbitjen e Berishës nga kati i tetë po na e shesin si një prelude pafajësie, megjithëse nuk është aspak e vërtetë. Por pikërisht kjo do të sjellë reaksionin final, madje edhe më final që ka ndodhur deri tani kundër të paprekshmëve. E thonë edhe sondazhet…

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Barcelona rrezikon kreun, Flick ngre alarmin: Tani nuk krijojmë raste! Kapiten Raphinha: Niveli po ulet

Barcelona rrezikon kreun, Flick ngre alarmin: Tani nuk krijojmë raste! Kapiten Raphinha: Niveli po ulet

30 Nëntor, 22:58