Mësohet se Nano u ka ka kërkuar strukturave vendore në Elbasan, rritjen e forcës goditëse dhe zbuluese, zbardhjen e ngjarjeve kriminale të ndodhura më parë dhe kapjen e autorëve, parandalimin e kultivimit të kanabisit. Sipas tij, duke treguar zero tolerancë në parandalimin e krimit dhe goditjen me ashpërsinë e ligjit, të atyre që ushtrojnë veprimtari kriminale në çdo fushë, duke sjellë pasoja për jetën dhe pronën e qytetarëve.

Një lajm i trishtë vjen nga Elbasani, ku ka ndërruar jetë një foshnje 2-vjeçare. Prindërit thanë se vajza e tyre ishte me virozë, por papritur u përkeqësua dhe ndërroi jetë në urgjencën e spitalit. Hetimet pritet të zbardhin shkakun e vdekjes, që paraprakisht sipas mjekëve u shkaktua nga një ftohje e rëndë.

Mësohet se në pranga ka rënë pronari i një lokali pasi akuzohet për organizimin e lojërave të fatit në ambientet e biznesit të tij.

Pjesa më e madhe e shkolla 9-vjeçare dhe të mesme në qytetin e Elbasanit janë pa sisteme ngrohjeje. Në këto ditë të ftohta janari, nxënësit kanë blerë vetë rezistencat në klasa, por që nuk e ngrohin mjaftueshëm ambientin. Bashkia pranon problematikën, sidomos në godinat e vjetra arsimore ku nuk ka kaldaja.

Dyshohet se kemi të bëjmë me një aferë miliona euro për rrugë e tendera për rilindjen urbane. Sot autoritetet kanë sekuestruar në zyrat e kompanisë disa dokumente që kanë të bëjnë me aktivitetin e kryer.

Një rrjedhje gazi në një banesë ku jetonin dy të moshuar ka marrë flakë gjatë ditës së sotme në Elbasan. Shpërthimi ka ndodhur në katin e dytë të një banesë, ndërsa ndërhyrja në kohë e efektivëve ka shpëtuar jetën e dy të moshuarve që jetonin aty.

2 persona janë vënë në pranga nga policia e Elbasanit për dhunë në familje. I pari një 37-vjeçar i cili akuzohet se ka dhunuar bashkëshorten. Ndërsa i dytë është Adem Shabani, i dënuar nga gjykata me 6 muaj burg me të njëjtën akuzë.

Një 27-vjeçar ka mbetur i plagosur rëndë mëngjesin e sotëm në Elbasan, pasi ra aksidentalisht nga kati i dytë i banesës së tij.

Një 55-vjeçar është arrestuar nga policia, pasi ka kërcënuar një edukatore në Belsh. Policia njofton se është arrestuar shtetasi B.H, banues në Belsh, pasi është kallëzuar nga shtetësja A.P, me detyrë edukatore në një kopsht publik, se ky shtetas e ka kanosur me fjalë dhe e ka penguar për të zhvilluar mësimin në ambientet e kopshtit

Dy të mitura janë larguar nga banesa, ndërkohë që prindërit nuk kanë dijeni për vendndodhjen e tyre.

Në kuadër të parandalimit të aksidenteve rrugore, policia e Elbasanit ka intensifikuar kontrollet duke arrestuar dhe gjobitur shoferët e rrezikshëm dhe të papërgjegjshëm.

Është ekstraduar nga Gjermania Florind Shabani, i dyshuar si pjesëmarrës  në vrasjen e bujshme të vitit 2009 të ish-oficerit të krimeve, Roland Rexhepi i njohur si 'Doda'. Shabani është arrestuar shtatorin e kaluar dhe nga autoritetet shqiptare do t'i propozohet që të bëhet bashkëpunëtor i drejtësisë me qëllim zbardhjen e ngjarjeve të rënda kriminale në Elbasan.

Një banesë është përfshirë nga flakët në fshatin Xibrakë të Elbasanit.

Një kalimtar ka humbur jetën pasi është përplasur mbrëmjen e kësaj të marte nga një makinë.

Kryetari i Bashkisë së Elbasanit, Gledian Llatja pasi pranoi se tarifa e pastrimit dhe ndriçimit është rritur me 20%, tregoi se nga ato do të përjashtohen 16 mijë familje.

Policia ka vënë në pranga një 36-vjeçar, pasi ka goditur me thikë dy persona në Librazhd.