Në rrugë, lagje dhe në pragun e shtëpive, kudo ku hedh këmbën në qytetin e Elbasanit has në pirgje me mbeturina. Qyteti është zhytur në plehra prej një jave pasi kompanisë së pastrimit, "Victoria Invest",  i ka përfunduar kontrata me bashkinë e Elbasanit.

Një 59-vjeçar ka humbur jetën pas kontaktit me telat e energjisë elektrike. Policia e Elbasanit njofton se mëngjesin e sotëm 59-vjeçari ishte duke pastruar tubin e mbledhjes së ujërave të shiut nga çatia e shtëpisë kur ra në kontakt me energjinë elektrike.

Tre persona kanë rënë në prangat e policisë së Elbasanit ndërsa dy të tjerë janë proceduar penalisht pasi akuzohen për vepra të ndryshme penale.

Përfaqësuesi i Ujësjellës Kanalizimeve në Elbasan ka ofruar zgjidhjen për të gjitha ata qytetarë të Shënkollit që janë detyruar të paguajnë për maujin tetor fatura marramendëse. Julian Dervishi, zv.administratori i UKE-së tha në Report Tv, se për qytetarët që nuk kanë mundësi të paguajnë faturën iu kanë ofruar atyre mundësinë e pagimit me këste dhe kamatëvonesa nuk do t’iu llogaritet. ‘Studio Live’ solli historinë  e një banori në Shënkoll, i cili tregon se për shkak të gjendjes së vështirë ekonomike është detyruar të marrë para borxh për të shlyer faturën.

Një protestë është zhvilluar mëngjesin e sotëm në zonën e Llixhave para prefekturës për gjobat e vendosura ndaj pronarëve të bizneseve për shfrytëzimin e ujerave termal pa leje të posaçme. IKMT ka gjobitur 17 biznese më 10 milionë lekë gjobe secilin

Katër të rinj të cilët po udhëtonin me dy automjete ”Audi A6” dhe “Volkswagen”, janë arrestuar pasi u kapën me 48 kg kanabis.

Prej më shumë se dy javësh qyteti i Elbasanit është pushtuar nga mbeturinat, për shkak se firma kontraktuese për pastrimin e qytetit i ka përfunduar kontrata. Në këtë situatë qytetarët shprehen të shqetësuar dhe kërkojnë ndërhyrjen e menjëhershme të institucioneve për t’i dhënë zgjidhje situatës

Policia e Elbasan arrestoi për veprën penale "Shkelja e rregullave të qarkullimit rrugor", L. N., 32 vjeç, banues në Librazhd, dhe nisi hetimin për veprën penale “Drejtimi i automjeteve në mënyrë të parregullt”, ndaj B. P., 21 vjeç, banues në Librazhd.

Një aksident me pasojë vdekjen e një personi është regjistruar paraditen e sotme në Elbasan. Bëhet me dije se aksidenti u regjistrua rreth orës 11:40 në aksin rrugor Elbasan-Librazh, në fshatin Mengël ku viktima Rei Pallosh 21 vjeç, duke drejtuar mjetin tip "Audi A6" ka humbur kontrollin dhe ka dalë nga rruga.

30 efektivë policie në Vlorë, Shkodër e Elbasan kanë rezultuar pozitivë për testin e drogës. Burime bëjnë të ditur se në policinë e Vlorës analizat kanë rezultuar me përmbajtje lënde narkotike tek 15 efektivë në Vlorë, në Shkodër 11, në Sarandë 3 ndërsa në Elbasan ka rezultuar pozitive një punonjëse policie 25-vjeçare. Ato kanë kërkuar ritestim, pasi akuzojnë për pasaktësi. 

Kryeministri Edi Rama ka shpërndarë një video të Jean Todt, i cili shprehet se ndërtimi i këtij Automotoparku është në përputhje me përparësitë e FIA, teksa shton se do të jetë një qendër kushtuar sporteve automobilistike por edhe edukimit dhe formimit.

Banorët e lagjes "Shënkoll" në Elbasan, të revoltuar për mbifaturimin e faturave të ujit të pijshëm janë ngritur në protestë.

Një debat mes 2 personave ka agravuar deri në dhunë, ku mësohet se  41-vjeçari Adrian Qosja,  pas një konflikti fizik me një 24-vjeçar me inicialet BK., është rrëzuar nga shkallët nga ky i fundit e për pasojë ka pësuar dëmtuar në kokë.

Denis Meçja, 31- vjeç, sapo kishte përfunduar dënimin me burg në Itali, për lëndë narkotike, është arrestuar nga policia shqiptare sapo ka mbërritur në Rinas, pasi rezultonte i dënuar 4 vite burg edhe në vendin tonë

Fatmir Alia, shef i Zyrës së Kërkimit “FAST Albania” në Drejtorisë Operacionale në policinë e Shtetit është prangosur nga  Shërbimi për Çështjet e Brendshme dhe Ankesat.

Një aksident i rëndë ka ndodhur mbrëmjen e sotme në aksin rrugor Librazhd-Prrjenjas, në fshatin Hotolisht, ku një kamion është përplasur me mjetin tip ‘Benz’.