E qetë dhe pa trazira është mbyllur dita e 6-të e protestës në Tiranë. Thirrjes për t'u mbledhur në orën 18:00 ditën e sotme i janë përgjigjur vetëm disa qytetarë, të cilët janë mbledhur në sheshin 'Skëndërbej' dhe më pas kanë marshuar dhe janë mbledhur para Kryeministrisë. Protestuesit janë shfaqur të qetë dhe se ajo që vihet re, pavarësisht numrit të vogël të tyre, nuk ka prezencë të miturish si në protestat e tjera.

"Janë 30 për qind e protestuesve të aktivizuar me veprime dhune në këtë moshë dhe asnjëri nuk mund të merret nën përgjegjësi penale”, këmbëngul oficeri i rendit sipas të cilit asnjëri prej tyre nuk mund të arrestohet për shkak të moshës dhe as që mund të procedohet. Protesta e këtij dhjetori ndryshon po ashtu edhe për shkak të ndarjes në grupe të vogla të protestuesve, të cilët shpërndahen dhe hyjnë nëpër rrugica duke shkatërruar biznese e duke shkulur tabelat publike apo edhe duke djegur kazanët"

Prej ditësh në Tiranë është shkatërruar prona publike, në protestat e ccdo mbrëmë që kanë pasuar ngjarjen tragjike të 8 dhjetorit ku u vra nga polici 25-vjeçari, Klodjan Rasha. Personazhe të njohur publikë në Tiranë kanë shtuar thirrjet për distancim nga këto akte të dhunës.

Ky është momenti kur protestuesit i kanë flakën dyqaneve të 5 Majit në Tiranë, për të cilat kanë denocnuar dhe më herët ne Report Tv vetë pronarët e dyqaneve. Këto godina mëngjesin e të dielës janë konstatuar me xhama të thyer dhe ambiente të djegura.

Policia ka arrestuar 4 persona dhe ka vënë nën hetim 46 protestues të tjerë, lidhur me ditën e 5-të të protestës të zhvilluar ditën e djeshme në Tiranë për vrasjen e 25 vjeçarit Klodjan Rasha nga një efektiv policie. Si pasojë e goditjes me gurë dhe sendeve të forta në drejtim të punonjsve të policisë me shërbim, është dëmtuar një efektiv.

Me dy gishtat lart, protesta në Lushnje nuk dukej si një organizim për të kërkuar drejtësi për Klodjan Rashën, të riun që u vra nga policia, por u ngjante protestave të thirrura nga opozita.

Ajo që në fillim nisi si një protestë në emër të Klodjan Rashës, ku kërkohej drejtësi, tani ka nxjerrë në pah revoltën e të rinjve ndaj policisë.