Pas më shumë se dy orësh është mbyllur dita e 4 e protestës në Tiranë për vrasjen e 25 vjeçarit Klodjan Rasha nga efektivi i policisë. Grupi i protestuesve ka qenë  i përbërë kryesisht nga të rinj dhe të mitur. Ata kanë marshuar fillimisht në drejtim të kryeministrisë dhe pasi kanë hedhur kapsolle aty janë drejtuar për nga drejtoria e policisë Tiranë, por janë kthyer pas nga efektivët me gaz lotsjellës. Psi policia ka hedhur gaz lotsjellës protestuesit janë shpërndarë në disa zona në Tiranë. Ndërkohë që Forcat e Ndërhyrjes së Shpejtë kanë shoqëruar disa prej tyre, pas përplasjeve.

Nga Golemi, ku ka vizituar Xhaminë e zonës, e cila sot u pajis me certifikatën e pronësisë pas disa vitesh në pritje, drejtuesi politik i PS për Kavajën, Erion Veliaj, përcolli një tjetër mesazh lidhur me protestat për vdekjen e 25 vjeçarit, Klodian Rasha. Ai pohoi se sot kishte vizituar familjen Rasha për ngushëllim, teksa shprehu vlerësime për familjarët e të ndjerit

Kryetari i Bashkisë së Tiranës, Erion Veliaj ishte sot për ngushëllim në familjen e 25-vjeçarit Klodian Rasha, i cili u nda nga jeta mëngjesin e së martës pasi u qëllua me armë nga një efektiv policie.

Një makinë është përfshirë nga flakët në këto momente pranë Fakultetit të Histori-Filologjisë në Tiranë. Nuk raportohet për persona të lënduar. 

25 persona janë arrestuar dhe 130 të tjerë janë në hetim pas protestës së mbrëmshme në Tiranë, për të tretën ditë radhazi pas vrasjes së 25-vjeçarit Klodjan Rasha. Policia njofton se të gjithë këta persona akuzohen se organizuan grumbullim dhe tubim të paligjshëm dhe kanë ushtruar dhunë, duke plagosur 3 punonjës të Policisë  si dhe shkatërruan pronën publike e private.  

Pas ditës së tretë të protestës së dhunshme në Tiranë, kryeqyteti është zgjuar i pastër dhe në normalitet. Kjo ka marrë edhe vlerësimin e ambasadores së Suedisë në vendin tonë, Elsa Håstad, e cila teksa poston një foto me një grup zjarrfikësisht në Tiranë, shpreh falenderimet ndaj tyre.