Pesë prindër janë vënë nën hetim nga policia e Durrësit pasi kishin ardhur në plazhe për të nxjerrë fëmijët e tyre të vegjël për të lypur. Fëmijët, të moshave, 4-7 vjeç nxirreshin në mes të rrugës dhe përdoreshin nga prindërit e tyre.

Policia ka liruar hapësirën e plazheve në Durrës e Sarandë. Në kuadër të operacionit "Plazh i lirë", policia ka sekuestruar 106 shezlongë dhe 123 çadra në Sarandë e Durrës, që ishin vendosur në mënyrë të paligjshme.

Tre persona janë vënë nën hetim nga Policia e Durrësit, pasi prishën qetësinë publike dhe shqetësuan banorët duke vendosur muzikë të lartë, mbi orarin e lejuar në ambientet e lokaleve që administronin.

Një 37-vjeçar është vënë në pranga, pasi iu merrte para qytetarëve, për të parkuar automjetet në një hapësirë publike, e cila ishte e destinuar nga bashkia e Durrësit, si vendparkim pa pagesë.

Një ngjarje e rëndë ka ndodhur në Qerret të Durrësit, ku një 55-vjeçar ka humbur jetën pasi është zënë poshtë nga soleta e shtëpisë. Ai ka qenë duke bërë punime, por soleta ka rënë dhe i ka zënë poshtë. Punonjësi ndodhet jashtë rrezikut për jetën. 

Dy raste vjedhjesh kanë ndodhur në Durrës, ku për pasojë janë vënë në pranga një 34-vjeçar, i cili ‘u kap mat’ teksa vidhte në një banesë dhe një tjetër që kishte marrë një motoçikletë.

Gjykata e Durrësit ka lënë në burg dy autorët e dyshuar të vrasjes së Luljeta Prezës tek Ura e Dajlanit. Nga hetimet ka rezultuar se viktima dhe autorët kishin konsumuar lëndë narkotike dhe janë konfiktuar për 2 mijë lek. Seancën e ndoqi dhe nëna 22-vjecarit Aldo Brahimi, e cila tha se i biri duhet të dënohet nëse vërtetohet se ka kryer krimin. 

Konfindustria i ka kërkuar publikisht kryeministrit Edi Rama të ndërhyjë sa më shpejt për përmirësimin e rrugës së unazës së Durrësit, problematikë të cilën e ka trajtuar edhe Report Tv. Ky aks vetëm 3 km larg mbikalimit të Shkozetit është kthyer në një rrezik për drejtuesit e automjeteve.

121 mijë euro të padeklaruara janë sekuestruar në Portin e Durrësit, të cilat ishin fshehur në tavanin e autobusit që vinte nga Bari. Policia thotë se eurot dyshohet se janë përfituar nga veprimtaritë kriminale. Në pranga ka rënë Leonard Nikolli, pronari i firmës ‘Gremel’, si edhe në hetim është vënë shoferi Ergys Sadikaj.

Të shumtë janë ata që zgjedhin të kalojnë Adriatikun nga Bari për të kaluar pushimet në Shqipëri, pasi pushimet në gadishull janë të shtrenjta kudo. Vijnë të qëndrojë me miqtë. Sepse një tjetër pikë e fortë e turizmit italian në Tokën e Shqiponjave është se thith ajrin e shtëpisë, mes të afërmve të sapo fituar dhe miqësive të konsoliduara.

Dy persona janë vënë në pranga nga Policia Kavajë, pasi tentuan të vidhnin një automjet në Golem.