Një 88-vjeçar ka mbetur i plagosur mëngjesin e sotëm në Durrës, si pasojë e një aksidenti. Sipas Policisë, aksidenti u regjistrua rreth orës 09:05, në lagjen Nr.17, ku mjeti tip "Audi" me drejtues 56-vjeçarin me inicialet S. H., ka aksidentuar këmbësorin 88-vjeçar me inicialet S. K..

145 kilogramë kanabis janë sekuestruar ditën e sotme në fshatin Nojë të Krujës, ndërsa u shpall në kërkim 34-vjeçari Bujar Sefa si dhe u arrestua kryeplaku i fshatit, Haxhi Murati, 66 vjeç. Sefa dhe Murati bashkëpunuan për kultivimin e kanabisit. 34-vjeçari rezulton i dënuar me 12 vite e 9 muaj burg në Itali për trafik kokaine dhe kanabisi.

Një 33-vjeçare është dërguar me urgjent për në spital në Durrës, pasi teksa po lëvizte me biçikletë u përplas nga një Smart që drejtohet nga një 22 vjeçar. E reja ndodhet në gjendje jashtë rrezikut për jetën në kujdesin e mjekëve.

Policia zbarkoi mëngjesin e sotëm në Bashkinë e Durrësit, pasi SPAK zbuloi abuzimin me tenderin 7 mln lekë për blerjen e një autoshkallë për zjarrfikësen e Durrësit.

Report Tv ka zbardhur skemën e 45.5 kg heroinë që u kap në Portin e Durrësit pak ditë më parë në një kamion me krom, që kishte si destinacion Barin e Italisë. Kamioni kur futej në skanerin e Portit të Durrësit ishte i pastër dhe më pas shoferi bënte sikur i prishje mjeti. Më pas koka e kamionit zëvendësohej me një tjetër të re, ku ishte e fshehur droga dhe s'kalonte në skaner nga punonjësit. Gjykata e Durrësit vendosi ‘arrest me burg’ për pronarin e kamionit 'Hensi Trans', Arian Çermën dhe drejtuesin e kamionit Olgert Dudën.

6 zyrtarë të Bashkisë Durrës dhe 3 punonjës të kompanive private janë arrestuar dhe një është lënë në detyrim paraqitje pasi akuzohen për abuzimin me një tender prej 7 milionë lekësh për blerjen e një autoshkallë për zjarrfikësen e Durrësit që ishte jashtë funksionit.  Nën hetim penal nga SPAK janë edhe shoqëritë private që u përfshinë në tender R & R Group sh.p.k., Klosi – R Company sh.p.k. dhe Ra – Mi Kompani sh.p.k. pasi akuzohen për falsifikim dokumentesh përsa i përket procedurave të tjera të prokurimit ku këto subjekte kanë qenë pjesëmarrëse.

Tetë të plagosur është bilanci i një aksidenti në Shijak, ku mjeti tip 'Benz' ka përplasur një motor me rimorkio. Mësohet se në momentin e aksidentit, 8 personat ishin brenda në rimorkio, të cilën e përdornin për të mbledhur kanaçe.  

Deputetja Bakiu tha se kryebashkiaku i Krujës, Artur Bushi, duhet të japë dorëheqjen sa më parë. Më tej, ajo theksoi se shumë qytetarë po trajtohen në shtëpi pasi në spital mungon insfrastruktura. Ndërsa nënkryetari i PD Alibeaj tha se janë mbi 1200 të helmuar. Ai deklaroi se Rama duhet të reagojë pasi është përgjegjësi ligjore, njerëzore dhe politike.

Pas katër ditësh, Instituti i Shëndetit Publik ka bërë me dije se në ujë është gjetur bakteri " Enterokokus" që ka shkaktuar mbi 600 të helmuar. Ky bakter është gjetur në vetëm një depo uji, kjo sepse Ujësjellësi ka pastruar dhe ka hedhur klor në depot e tjera të qytetit, pa u marrë mostrat nga ISHP-ja. Për helmimin e mbi 600 persona nëndrejtori i ISHP-së, Dritan Ulqinaku ka bërë përgjegjës Ujësjellësin e që sipas tij duhet të kishte reaguar më shpejt.