Reshjet e shumta të shiut ditën e sotme kanë sjellë problematika në të gjithë vendin. Disa zona në Tiranë kanë mbetur pa energji elektrike, problematikë e shfaqur edhe në Daullas të Fierit. 15 fshatra në Lezhë mbetën pa drita për disa orë, teksa lundrimi në Vlorë është pezulluar për dy ditë. Si pasojë e reshjeve aksi Gjirokastër-Kakavijë dhe rrugët në Tregun Industrial janë përmbytur.

Policia e Gjirokastrës ka njoftuar pak minuta më parë për një denoncim të një 68-vjeçari nga fshati Luzat i Tepelenës se tre persona i kanë hyrë në shtëpi dhe i kanë marrë 200 mijë lekë.

Qarkullimi në rrugën nacionale Burrel - Skuraj është bërë me vështirësi që prej orës 5 të mëngjesit të sotëm.

Report Tv mëson se Emin Isha dhe Nuri Cila, përkatësisht 18 dhe 19 vjeç, janë kapur në vendin e quajtur 'Ura e Lumit' në Gjirokastër, duke transportuar tre emigrantë të paligjshëm kundrejt fitimit.

Mësohet se në pranga ka rënë Altin Skëndi, nga fshati Nivicë, i cili e pësoi pasi bëri kallëzim të rremë në Polici se i kishin vjedhur një shumë parash në banesë.

Mbyllet një klasë në shkollën 9-vjeçare në Këlcyre. Shkak është bërë prekja me COVID-19 i katër nxënësve.

Burime bëjnë me dije se A.S., do t'i transportonte emigrantët kundrejt një pagese prej 300 euro. Mësohet se policia ka sekuestruar një automjet, dy aparate celularë dhe një shumë parash.

Një 52-vjeçar ka rënë në pranga pasi pas kontrolleve të ushtruara nga policia, në garazhin e tij në Gjirokastër u konstatuan mallra kontrabandë. Burime për 'Report Tv' bëjnë me dije se 52-vjeçari ka punuar më parë si ish-doganier.  

“Që të rritem duhet të jem gjallë”, “Mos na i ndërprisni ëndrrat”, “Mbroni fëmijët të ardhmen tonë”...janë këto disa nga pankartat të cilat kanë mbajtur në duar disa prej fëmijëve në qytetin e Durrësit, në homazhe e zhvilluara për Mateon e vogël.

"Për Mateon, denonconi vrasësit, denonconi çdo padrejtësi"-shkruhet në pankartat e të rinjve. Kujtojmë se qindra qytetarë po firmosin një peticion që kërkon dënim me vdekje për një vrasës, Klodian Çalamanin. 

Një person me iniciale A.D është arrestuar nga policia e Vlorës, pasi dyshohet se ka ngacmuar seksualisht një të mitur. Sipas të dhënave paraprake, dyshohet se A.D ka ngacmuar seksualisht mbesën e tij 11-vjeçare. Një 34-vjeçar banues në Tepelenë është arrestuar nga policia në Gjirokastër, pasi dyshohet se ka ngacmuar seksualisht një shtetase të mitur 17-vjeçe, sipas dëshmive të familjarëve të vajzës së mitur

Hasim Dauti, 53-vjeç është vënë në pranga të policisë pasi ishte shpallur në kërkim për mashtrim dhe ishte dënuar me 3 vite nga gjykata e Gjirokastrës

Shefi i zjarrfikësve Dropull, Alqi Kosta ka thënë për 'Report Tv' se shkak i zjarrit dyshohet të ketë qenë bombola e gazit. Sipas tij, nga ekspertiza paraprake, dyshohet të ketë patur rrjedhje gazi. Ai shprehet se trupat e dy të moshuarve u gjetën në derën e jashtme të shtëpisë, në përpjekje për të dalë jashtë.

Burime për Report Tv konfirmojnë se viktimat janë një çift të moshuarish. Irakli dhe Fotini Panajoti, përkatësisht 84 dhe 73 vjeç humbën jetën në mënyrë tragjike Sakaq, të njëjtat burime bëjnë me dije se shkak i zjarri dyshohet të jetë bërë bombola e gazit.