Grupi hetimor po punon për zbardhjen e rrethanave të ngjarjes, për të përcaktuar shkakun e vdekjes së 39-vjeçarit. Një ekspertizë më e detajuar do të zbulojë nëse viktima ndërroi jetë nga mbidoza e drogës apo ndonjë shkak tjetër.

Shkëlqim Rusi, vëllai i Adem Rusit i cili, siç raportuan mediat greke, vari veten me lidhëse këpucësh brenda një furgoni të burgut, si kafaz në Greqi, hedh dyshime se nuk është vetëvrasje, por se ai është vrarë.

Ministri i Mbrojtjes Niko Peleshi tha në një deklaratë për mediat nga Korça se nuk ka vend për panik, teksa theksoi se nuk priten përmbytje të mëdha. Sipas Peleshit problem mbetet zona e Obotit në Shkodër, e goditur shumë herë nga përmbytje të mëdha. Ministri deklaroi se janë marrë masa dhe se strukturat shtetërore janë në gatishmëri.

Një aksident rrugor është regjistruar në rrugën e Malit Moravë, Korçë. Ngjarja ndodhi rreth orës 04:00, ku drejtuesi i mjetit tip ‘Audi’, ka humbur kontrollin e mjetit dhe ka dalë nga rruga.

Mjeshtër prej vitesh në poçari, artizani Vasillaq Kolevica priti këtë herë në punishten e tij një grup të rinjsh nga Gostivari të cilët zgjodhën të njihen me këtë profesion të veçantë.

Ish-kryeministri Sali Berisha deklaroi nga 'Foltorja' e Devollit se Lulzim Basha sipas dosjeve të autoriteteve belge është anëtar i organizatës kriminale, ndërsa i kërkoi atij të japë llogari për Toyota Yaris. Berisha për Kuvendin e 11 dhjetorit tha mund të mblidhen në stadiumin 'Air Albania' por kjo varet nga kushtet atmosferike. Para dy vitesh vetë Berisha  e cilësonte "Air Albania" si   “folenë e klanit mafioz të Ramës”. Ndër të tjera Berisha deklaroi se pas Kuvendit do të caktojnë datën e protestës së madhe kombëtare kundër Edi Ramës.

Shirat e dendur, dëbora në disa zona dhe era e fortë ka kapluar vendin tonë prej disa ditësh duke sjellë kështu problematika të shumta.

Për shkak të reshjeve të dendura të shut, erës së fortë dhe lartësisë së dallgëve në det, Kapiteneria ka  ndaluar lundrimin e të gjitha mjeteve të vogla lundruese dhe anijeve të peshkimit në Vlorë.

Si pasojë e stuhisë ka patur rënie inertesh në rrugën nacionale Bajram Curri-Valbonë,në aksin Kukës-Ura e Zapodit Shishtavec si dhe në disa akse të tjera. Inertet janë pastruar, ndërsa qarkullimi tashmë vijon normalisht në të gjitha akset.