Në 30 vite pluralizëm Bashkia e Lushnjës është drejtuar për 19 vite nga socialistët, ku më jetëgjati ka qenë Fatos Tushe, në burg tashmë për korrupsion. Ndërsa Partia Demokratike ka drejtuar këtë bashki për 12 vite.

Një sasi e madhe peshku ka ngordhur në rezervuarin e Kasharajt në Lushnjë duke shkaktuar dëm financiar për sipërmarrësin që ka investuar në rasatin e peshkut. Ylli Kashari ka denoncuar në prokurori, ndërsa shprehet se ndotja mund të jetë shkaktuar nga fabrikat e vajit të ullirit.

Kryeministri Edi Rama gjatë një takim me të rinjtë në Lushnjë ka kërkuar mbështetjen për kandidaten e PS në Lushnjë Eriselda Sefa, ndërsa ka ironizuar kandidatët e PD dhe të "Shtëpisë së Lirisë" se njëri është i bravës dhe tjetri i bishtit të varesë. Rama tha se Basha e Berisha janë gati të shkatërrojnë gjithçka për interesat e tyre personale.

Kryetari i Partisë Demokratike, Lulzim Basha, bashkë me kandidatin për kryebashkiak të PD-së në Lushnje, Indrit Sefa, zhvilluan një takim e me fermerët dhe drejtuesit e shoqatave të fermerëve të Lushnjes.

Frika nga pasojat e mundshme të luftës Ukrainë-Rusi është reflektuar në Kukës dhe Fier ku qytetarët janë dyndur të blejnë miell. Blerës dhe tregtarë akuzojnë se situata është shfrytëzuar nga tregtarët, që edhe pse kanë rezerva mielli, kanë rritur çmimin në mënyrë abuzive.

Një kontroll blic është zhvilluar në burgun e Fierit, ku të dënuarve u janë gjetur një mjet prerës 15 cm e gjatë, një shtizë dhe një telefon.

Pasi Partia Demokratike i kërkoi verifikimin e kandidatit të Sali Berishës për bashkinë e Lushnjes për zgjedhjet e pjesshme të 6 marsit pasi dyshohet se ka fshehur një dënim për vjedhje në Britaninë e Madhe duke mos e deklaruar në formular ashtu siç e parashikon ligji, KQZ i ka dërguar një shkresë Prokurorisë së Përgjithshme ku kërkon verifikim të thelluar.

Në kuadër të zgjedhjeve të pjesshme te 6 Marsit, drejtuesi Politik i Partisë Socialiste për Qarkun e Fierit Taulant Balla dhe deputeti Erion Braçe zhvilluan një takim me banorët e Njësisë Administrative Krutje në Lushnje. 

Kryetari i PD, Lulzim Basha ka prezantuar në Lushnjë, kandidatin për bashkinë Indrit Sefa, ku sipas tij përfaqëson  modelin e ri politikë atë të vlerave dhe punës ndaj qytetarëve dhe jo modelin e korrupsionit dhe të bandave që sipas Bashës ka sjellë Rama në krye të vendit.

Me vendim të Gjykatës së Apelit Vlorë, i kanë mbetur për të kryer edhe 2.4 vjet burgim. Guda në 2015 është kapur në Portin e Vlorës duke tentuar të trafikojë kanabis drejt Italisë.

Partia Demokratike i kërkoi KQZ-së verifikimin sipas ligjit të dekriminalizimit të kandidatit të LSI-PDK në Lushnjë Elton Bano. PD ka të dhëna se ai ka fshehur një dënim për vjedhje në Britaninë e Madhe.

Për zgjidhjen e të gjithë halleve të fermerëve, Sali Berisha shikon rrëzimin e Ballkanit të Hapur dhe rritjen e granteve për sektorin e bujqësisë. Në një takim me fermerët e Lushnjës,  Berisha tha se rreziku i fermerëve është Ballkani i Hapur, ndërsa do të rrisë fuqishëm grantet për bujqësinë.

Katër të rinj u vunë në pranga nga policia e Fierit, pasi janë kapur “mat” në momentin e sheknbimit të lëndës narkotike, kanabis.

Me pankarta në duar 'Një kafe 80 lekë, një litër qumësht 40 lekë'; 'Na e hoqët përsheshin me qumësht'; 'Ulni çmimin e naftës', fermerët e Lushnjës, Beratit dhe Fierit protestuan sot kundër skemës subvencionale. Sëbashku me blegtorët ata protestuan pranë 'Urës së Kuçit' duke bllokuar rrugën nacionale Lushnjë- Berat.

Të alarmuar banorët e zonës dhe bizneset që ushtrojnë aktivitetin e tyre pranë kanë njoftuar zjarrfikësit.  Ndërhyrja e këtyre të fundit ka bërë të mundur fikjen e flakëve.