Mit apo e vërtetë | Të konsumosh fruta pas vaktit të bën keq? Në mesin e shumë këshillave të përhapura për një stil jetese të shëndetshëm, shpesh dëgjojmë pretendimin se konsumimi i frutave menjëherë pas vaktit është i dëmshëm për organizmin. Disa thonë se frutat fermentohen në stomak, të tjerë sugjerojnë se ato ndikojnë në procesin e tretjes apo shkaktojnë probleme me barkun. Por sa qëndron e vërtetë kjo? A kemi të bëjmë me një mit të rrënjosur në zakone kulturore dhe mungesë informacioni shkencor, apo ekzistojnë baza reale për këto pretendime? Në studion e "Rreze Dielli" me nutricionistin Altin Joka shqyrtojmë nga afër këtë pohim, duke u mbështetur në fakte shkencore dhe këndvështrime dietologjike, për të zbuluar nëse konsumimi i frutave pas vaktit është vërtet i dëmshëm, apo thjesht një tjetër keqkuptim i zakonshëm në lidhje me ushqyerjen.