Byrek festiv me petë sfoljatë

Përbërësit:

• 2 peta sfoljatë
• 250 gr gjizë pa kripë
• 250 gr spinaq
• 3 lgj parmixhano
• 1 kokërr vezë
• Domate qershi

Përgatitja:

Fillimisht vendosim në një mikser ose blender spinaqin, gjizën dhe djathin e grirë parmixhano. I miksojmë mirë derisa të bëhet një masë kremoze e plotë.

Vendosim në tryezën e punës një petë sfoljatë, e lyejmë me kremin e spinaqit me gjizë dhe më pas vendosim petën tjetër sfoljatë duke e puthitur mirë. Bëjmë një prerjë në formën e një bredhi. E lyejmë në fund me një të verdhë veze dhe e dekorojmë më domate qershi. E vendosim në furrë të parangrohur të piqet për 15-20 minuta.