Çdo femër e di se sa e veçantë është ndjenja e të qenit nënë, dhe për Kimeten, kjo ndjenjë erdhi me shumë shpresë, por edhe me një tragjedi të madhe. Historia që do sjellim sot do na kthejë shumë vite pas, konkretisht në vitin 1969 në qyetin e Lezhës. Kimete Loka është një 78 vjecare e cila do rrëfejë momentet më të vështira që ka kaluar në jetën e saj. Ishte vetëm 22 vjec ku priste të behej nënë me binjaket e saj vajza. Pas lindjes së vajzës së parë, ajo mëson se foshnja kishte ndërruar jetë. Pavarësisht dhimbjes së thellë që ndjeu, ajo ende lutej për shëndetin e vajzës së dytë… Por ajo shpresë nuk do të zgjaste shumë. Bluzat e bardha e njoftojnë se e porsalindura ka probleme shëndetësore dhe largohen me të …Vetëm dy javë më pas, Kimetja mori lajmin e tmerrshëm se edhe vajza e dytë ndërroi jetë. Gjatë atyre dy javëve atë nuk e kishin lejuar ta takonte vajzën, gjë që solli dyshime në vërtetësin e veprimeve të mjekëve. Edhe pse kanë kaluar 56 vite dhe ajo solli në jetë dy djem, kurrë nuk e harron dhimbjen e humbjes së vajzave… Pavarësisht se si u zhvillua jeta e saj, zemra e Kimetes mbetet e lidhur me ato që nuk arriti kurrë t'i njihte ose ti mbante në krahët e saj… Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv