Në numrin e së martës 3 nëntor 1998-të në gazetën Zëri i Popullit botim i Partisë Socialiste në pushtet publikohej një akuzë e rëndë ndaj Sali Berishës. Në faqe të parë ZP shkruante se lideri i opozitës Berisha po përgatiste 100 terroristë në veri për një grusht shteti ndaj Kushtetutës ndërsa SHIK kishte zbuluar skenarin për një tjetër 14 shtator . ZP shkruante: “ Berisha përgatit terroristë në veri dhe vrasësit ,medalje trimërie”. Në gazetën Koha Jonë shkruhej se kryetari i PS Nano iku në Francë për t’iu shmangur konferencës së donatorëve ndërsa në Gazetën Shqiptare zbulohej një skandal i komisariateve me pasaportat e vjedhura që futeshin sërish në lojë.