Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Dhjetor 2015 Ergest Rrapaj fiton më në fund lirinë pas katër viteve izolim në qeli, dhe lumturia në familjen e tij në Tepelenë ishe e madhe… i lirë dhe i riedukuar për gabimet e moshës. Askush nuk do ta kishte menduar se një muaj më pas i riu do të zhdukej në rrethana misterioze. Ishte kjo zile telefoni, që e nxori nxitimthi nga shtëpia, dhe prej atij momenti nëna me babain nuk e panw më. 23 janar 2016 Ergest Rrapaj kishte dal në oborrin e shtëpise, ku po konsumonte i vetëm kafen e mëngjesit, ndërsa nëna e tij, Kujtime ndodhej brenda në banesë. Ajo e kujton fare mirë atë ditë, teksa ishte duke gatuar dëgjonte shpesh zile dhe të birin që fliste në telefon. Ende nuk ishte cmallur dhe nëna nuk donte ta mërziste për telefonatat anonime, pasi 31-vjeçari mbante plotë të fsheta nga jeta e tij. Familjarët bëjnë denoncimin në polici, pasi dyshonin se largimi mund të kishte lidhje me qëndrimin 4 vite në burg. Frika e babait ishte e madhe, pasi i biri më parë ishte marrë me shpërndarje të lëndëve narkotike dhe shpesh ishte përdorues i tyre. Para arrestimit, Ergest Rrapaj kërkohej nga policia dhe strehzën e kishte gjetur në Greqi derisa uniformat blu ranë në gjurmët e tij. Astriti, babai mëson se nga burgu ai kishte dalë i vetëm, por gjatë izolimit kishte tentuar të arratisej. Ky nuk do ishte informacioni i fundit që familjarët do dëgjonin, pasi 2 vite pas largimit një i afërm e ka takuar të riun në qytetin e Fierit, ku ishte nën shoqërinë e dy djemëve dhe një vajze të po së njëjtës moshë. Sot kanë kaluar plotë 7 vite dhe Astriti me Kujtimen as nuk e kanë parë dhe as nuk i kanë dëgjuar zërin djalit të tyre.