Preng Mena, ky 70-vjeçar nga Fani i Mirditës, ishte sot në studion e “Pa Gjurmë” për t’i kërkuar ndihmë shtetit të zbardhë një orë e më parë vrasjen e djalit të tij Ylli Mena, si dhe për t’i bërë thirrje ish-nuses së djalit, Shpresës, që të mundësojë takimin e tre vajzave me gjyshin e tyre dhe gjyshen, Mrikën. Ylli Menën e përplasi me makinë kunati i tij Albert Kaca, i cili ndodhet në arrati. Të moshuarit Preng dhe Mrikë Mena nuk kanë pasur konflikte me familjen Kaca, por bëjnë fajtor Albertin, për të cilin thonë se e ka shtypur me dashje djalin e tyre, duke i marrë jetën. “Ish-krushku ka vdekur, e kam pasur mik. As për krushkën s’kam vërejtje, as për Shpresën. Djali i dytë i tyre, ky s’është burrë! Të vrasi babain e tre vajzave…. Ishte plan i kurdisur i Albertit. Divorci I Yllit dhe Shpresës ndodhi në 2018, ngjarja ndodhi në 2019. Pas ndarjes i takova gocat, më tha Shpresa “nuk t’i jap fëmijët, vetëm të atit ia jap”. Kishte 15 vite martesë Ylli me Shpresën. Në 21 shtator ndodhi ngjarja”, tregon 70-vjeçari, i cili nga dhimbja dhe sikleti kullonte në djersë. Prenga e kujton me lot në sy atë ditë të errët për të dhe gjithë familjen Mena, pasi iu largua nga kjo jetë djali i tyre i vetëm, duke lënë pas tre vajza jetime, të cilat Shpresa nuk i mori në ceremoninë mortore të Yllit. “Në 21 shtator i thashë djalit “mos shko te Andoni”! “Mirë”, - më tha, “nuk shkoj”. Pastaj më mori në telefon më tha, “po shkoj se ka një darkë qejfi dhe më pret”. Të nesërmen në 8 në mëngjes dola nga shtëpia, më tha jam te Andoni për kafe. Në 8:20 ka ndodhur ngjarja në 8:25 më merr më telefon një mik. “Djalin ta kanë shtypur dhe ata ikën nuk dihet se ku janë”. Me këtë makinë ishte Berti. Makina kishte 4 veta brenda. Në 8:30 ka shkuar policia në vendngjarje. Prokuroria ka shkuar në 9:40 kur djali kishte mbaruar. Vajta në Spitalin Ushtarak dhe aty m’u prenë këmbët. Pasi e shtypën djalin, të gjithë dolën nga ana e timonit se ishte makinë me tek derë. Kanë shkuar dhe i kanë rënë djalit me shkelma e me leva. S’janë burra ata, janë morracakë. Gjykata i ka dhënë “arrest me burg” Albertit, ky bredh i lirë nëpër Shqipëri”, u shpreh zoti Mena. Në një farë mënyre Prenga e ka pranuar tani largimin nga kjo jetë të djalit të tij, por së bashku me bashkëshorten, Mrikën, kërkojnë të shohin mbesat e tyre, Sarën, Evën dhe Kristelën, malli për të cilat po i plogështon çdo ditë e më shumë. “Çfarë ndodhi ndodhi, por tre vajzat që unë dua t’i takoj? Na ka marrë malli për to, edhe bashkëshortja ime nuk është mirë nga ana shëndetësore dhe nervore, kërkon mbesat. U bënë 4-5 seanca për pajtim të Yllit dhe Shpresës, por jo. Alberti nuk i linte vajzat e Shpresës të takonin Yllin. Pas ngjarjes nuk i kam takuar mbesat, në varrim s’i sollën, në dhjetor ato ikën. Vajza e vogël nuk e di që i ka vdekur babai. Në studio me anë të një lidhje skype ishte i pranishëm dhe Aleksandër Ndrejaj, avokati i Albert Kacës, i cili tha se ngjarja ka ndodhur aksidentalisht dhe jo qëllimisht. Ai pretendoi se Albert Kaca është penduar që është larguar nga vendngjarja pas aksidentit, madje ai i ka treguar më shumë detaje rreth ngjarjes, kur e ka takuar vetë në Durrës, ndërkohë që policia e kërkon në të gjithë Shqipërinë. Avokati: Jemi në fazën e gjykimit. Çështja e Albert Kacës është në fazën e gjykimit paraprak, i shpreh ngushëllimet familjes së Preng Menës. Preng Mena ka dhënë alibitë e tij. Nuk është vrasje me paramendim siç pretendon organi i akuzës. Për këtë vepër është dënuar sipas ligjit. Gjykata në fillim ka dhënë “arrest me burg në mungesë”. Ai nuk është larguar me dashje, madje i ka dhënë ndihmën e parë Yllit dhe e ka vendosur në anë të rrugës. Po ai është larguar, por e kanë detyruar rrethanat. Kam pasur kontakte me të. Në shtator në 2021 bëmë një prokurë që unë ta përfaqësoj si avokat dhe e takova në Durrës ku më tregoi ngjarjen siç ka qenë, sipas tij. Odeta Dume: Prenga thotë se kanë pasur konflikte më herët, Ylli me Albertin. Ai është dënuar dhe I është dhënë masa “arrest me burg”, atëherë pse nuk arrestohet? Pse lëviz lirshëm? Avokati: Alberti nuk më ka thënë se ka pasur konflikte me Yllin. Nuk mendoj se një shtetas në kërkim lëviz lirshëm. Ai është penduar që ka ikur nga vendi i ngjarjes. Është një rastësi e momentit aksidenti, nuk ishte me paramendim. Ai ishte nisur për në punë dhe po kërkonte ustallarët. Donte të nxirrte telefonin nga çanta dhe çanta i ka rënë te këmbët. Aty pastaj ka ndodhur akaidentalisht gjithçka, madje ekspertiza vërteton se ka bërë dhe një manovër për t’i shpëtuar goditjes së Yllit. Odeta Dume: Pse i fshihet drejtësisë dhe duam të dimë ju si avokat keni folur me të kur e keni takuar se Preng dhe Mrikë Mena duan të takojnë mbesat e tyre?
Dënohet për vrasje,zhduket lezhiani/Babai i viktimës: Ish-kunati e vrau
Video të fundit në programin Pa gjurmë Të gjitha
-
Pa Gjurme-‘Po më vdiq nëna, me kë do të jetoj?’/Djali i sëmurë:Motrat e vëllezërit më kanë braktisur
19 Nëntor, 00:23 -
Pa Gjurme-“Me karrocën e barit nxjerr vajzën në oborr”/Qan nëna: 28 vjeçe, s’ka ecur e folur kurrë!
18 Nëntor, 01:42 -
Pa Gjurme-‘Lashë punën, xhelozonte për pronarin’/Gruaja:Vajza e denoncoi pasi tentoi të më godiste
13 Nëntor, 17:52 -
Pa Gjurme-‘Ia fala tradhtinë 3 herë, ajo nuk ndalej’/44-vjeçari:Më la fëmijët dhe iku me të dashurin
12 Nëntor, 17:00 -
Pa Gjurme-A është rrëmbyer Saxhide Disha?/I biri:Gjurmët e nënës i zbulova,ishte shumë afër shtëpisë
10 Nëntor, 17:49 -
Pa Gjurme-‘Nuk ia donim nusen, ajo na i largoi djalin’/Përballja vjehërr-nuse:Ku e zhduke tim bir?
10 Nëntor, 16:31 -
Pa Gjurme –10 mijë € për nënën e zhdukur!/Doli nga burgu pas 12 vitesh, zhduket edhe 34-vjeçari!
4 Nëntor, 17:53 -
Pa Gjurme-‘Flemë të uritur, s’kemi lekë as për ilaçe’/Çifti i moshuar: Na ndihmoni të jetojmë!
2 Nëntor, 20:22 -
Pa Gjurme- PËRBALLJE E FORTË BURRË–GRUA | Ajo: Më doje për para/ Ai: Mos mashtro, trego të vërtetën!
30 Tetor, 16:49 -
Pa Gjurme-‘Më trego ku e kam djalin!’/Përballja babë-shok për Entolin: Më telefonoi duke qarë!
29 Tetor, 17:23 -
Pa Gjurme-‘Gruaja e la, djali plagosi të dashurin e saj’/Babai: Doli nga burgu dhe m’u zhduk
22 Tetor, 12:41 -
Pa Gjurme- ‘Nëna vdiq, babai e la motrën në jetimore’/ Vëllai: E pashë Lizën në TV dhe dua ta njoh
9 Korrik, 18:04 -
Emisioni i plotë "Pa Gjurme" – “Foli me të fejuarën dhe fiku telefonin”/ Motra: Kam frikë se ka gabuar diku…
18 Qershor, 07:48 -
Emisioni i plotë 'Pa Gjurme' - Ekskluzive/Thyen heshtjen vëllai i Eglant Koçit: S’dua ta besoj, ai i thërriste mamasë sime ‘o nënë’
10 Qershor, 23:09 -
Ekskluzive/ Dyshohet se u vra, vëllai i Eglant Koçit thyen heshtjen në ‘Pa Gjurmë’: Nuk dua ta besoj se ai është autori, i thërriste mamasë sime ‘o nënë’
10 Qershor, 17:33 -
Emisioni i plotë 'Pa Gjurme'| ‘Kam mall për shokët e jetës’/I moshuari kërkon 2 miqtë që humbi pas ushtrisë e viteve ’90
3 Qershor, 17:38 -
Emisioni i plotë 'Pa Gjurme'| 'Më la me tre fëmijët dhe iku me tjetrin’/I riu: Hodha poshtë babain, por ajo më tradhtoi
2 Qershor, 18:28 -
Emisioni i plotë 'Pa Gjurme'| ‘Premtoi se do të vinte për festa, iku dhe la gruan’/Vëllai:Kishte dy pasaporta,dyshoj se…
1 Qershor, 17:36 -
Emisioni i plotë 'Pa Gjurme'| ‘27 vite që si kam parë fëmijët’ Babai: Gruaja më iku kur isha në punë, vëllezërit e saj…
29 Maj, 17:23 -
Emisioni i plotë 'Pa Gjurmë'|‘U zhduk në Greqi, përfundoi në varr pa emër?’/Familja kërkon të vërtetën për Enver Gegën
28 Maj, 18:13
