Ngjarja e 21 shtator 2019 që tronditi qytetin e Lezhës, ku Albert Kaca aksidentoi për vdekje ish kunatin Ylli Mena. Ngjarje e cila u denoncua edhe në emisionin Pa Gjurmë nga prindërit e viktimës Preng dhe Mrikë Mena. Prej vitit 2019 kur ata humbën të birin nga kjo jetë vetem 38 vjec, gjithashtu çifti Mena kishin humbur kontaktet edhe me 3 mbesat e mitura. Vajzat u larguan së bashku me nënën e tyre drejt Italisë. Dy të moshuarit nuk kanë pasur kurrë konflikte me familjen Kaca, por bënë fajtor Albertin, për të cilin thonë se aksidentoi me dashje djalin e tyre, duke i marrë jetën për shkak të divorcit me të motrën. Mrikë rrëfeu për ’Pa Gjurmë’ se çifti shkonin mirë dhe duheshin me njëri-tjetrin ndërsa me plagë në zemër nuk di të thotë pse ajo martesë përfundoi në divorc e më pas në tragjedi. Me dhembje të madhe gjyshërit kërkuan që të shihnin 3 mbesat e tyre dhe të ruanin kontaktet. I menjëhershëm ishte edhe reagimi i ish-nuses së tyre Shpresa Kacës, e cila hodhi poshtë pretendimet e familjes Mena ndërsa tregoi edhe shkaqet e divorcit. Të dy palët u përballën live me njëri tjetrin duke ngritur akuza të rënda mes tyre.
