Bashkëjetoi me një shtetas italian edhe pse bashkë kishin 20 vite diferencë. Por kjo nuk e pengoi shqiptaren nga Elbasani Manushaqe Pepa të kishte një marrëdhënie të mirë me Feliçe Fatebene, të cilin e njohu në shtetin fqinj kur emigroi në vitin.... Por as fakti që ai kishte edhe katër fëmijë të tjerë nga martesa me një tjetër grua italiane, nuk e pengoi që çifti të qëndrronin bashkë me vite për 25 vite me radhë, ndërsa fryt i kësaj bashkëjetese ishin dy fëmijët, një djalë dhe një vajzë. Ata jetuan sëbashku nën një çati në Bologna deri në vitin 2017, vit kur edhe babai Feliçe Fatebene ndërroi jetë, pasi pësoi një infarkt. Fëmijët mbajtën mbiemrin shqiptar, që ditën kur lindën pasi prindërit nuk bënë kurrë celebrim.Sara nuk e harron momentin kur pasi u ndanë me të atin ditën e 23 qershorit të atij viti. Një muaj më pas ata u kthyen përfundimisht në Shqipëri, ndërsa nëna punon ende atje për të mbajtur familjen. Këto foto janë disa nga momentet e jetës nga një marrëdhënie e ngushtë që vajza veçanërisht kishte për babain e saj. Të vetmet kujtime që i shuajnë mallin. Historinë e familjes së saj vjen ta rrëfejë në emisionin ’Pa Gjurmë’ vajza 17-vjeçare Sara, të cilën përveç mungesës e mundon edhe një makth, sa herë i ati i del në ëndërr. Ai kishte një peng, për dy nga fëmijët të cilëve nuk ua komunikoi kurrë, pasi ndarja nga jeta papritur la përgjysëm edhe bisedat mes tyre. Nëna jeton ende në Itali, ndërsa dy fëmijët në Krastë të Elbasanit, ndërsa ndjekin shkollën në këtë qytet. Sara është një gjimnaziste në vitin e tretë, ndëras vëllai i saj është dy vite më i vogël. Por cila është kërkesa që sjell në studio gjimnazisten që kërkon ndihmë në emisionin ’Pa Gjurmë’ ?