Buka ka qenë për shekuj me radhë një nga ushqimet bazë në tryezën tonë, por sot ajo është kthyer edhe në një nga ushqimet më të diskutuara dhe më kontradiktore. Disa e konsiderojnë të domosdoshme për energjinë e përditshme, ndërsa të tjerë e fajësojnë për shtimin në peshë, fryrjen e barkut dhe probleme të ndryshme shëndetësore. A po na dëmton realisht buka që konsumojmë sot? Sa bukë duhet të hamë dhe cilat lloje janë më të shëndetshme? A ka lidhje buka me disa sëmundje kronike dhe pse tek shumë njerëz shkakton fryrje apo shtim në peshë? Për t’u ndalur te këto pyetje dhe për të ndarë fakte të bazuara në mjekësinë holistike dhe ushqyerjen e ndërgjegjshme, flasim në "Rreze Dielli" me nutricionistin Altin Joka, ekspert i mjekësisë holistike, i cili do të na ndihmojë të kuptojmë të vërtetën për bukën dhe ndikimin e saj në shëndetin tonë.