Vijojnë ende kërkimet për adoleshenten e zhdukur në kryeqytet që prej qershorit të vitit të kaluar. 17-vjeçarja Veronika Qershori u largua nga banesa ku jetonte me të atin që pas divorcit të prindërve. 

Sipas informacioneve paraprake, ditën që u largua adoleshentja i ka marrë një shumë parash babait të saj ndërsa dyshohet se strehohej nga dy djem të rritur në zonën e Gjirit të Lalzit në Durres.

Pas disa ditësh familjarët kanë mundur të lidhen me dy djemtë të cilët kanë mundur të kthejnë paratë por jo Veronikën pasi kjo e fundit ka refuzuar.

Por edhe pse për familjen rezulton e zhdukur, Veronika Qershori është aktive nëpër rrjete sociale ku shpesh publikon foto dhe video që tregohet qartë jeta e çrregullt që bën mes Tiranës dhe Durrësit, por edhe rreziku që mund t’i vijë për jetën kësaj vajze që ende s’ka mbushur të 18-tat.

Për shkak të konflikteve, prindërit e vajzës nuk kanë komunikim me njëri-tjetrin dhe babai nuk i tregon asnjë detaj nënës së vajzës se si kjo e fundit është larguar dhe se ku mund të ndodhet.

Denoncimin për humbjen e adoleshentes e ka bërë nëna e saj Zhuljeta me vendbanim në Gjermani, e cila e frikësuar se mos e bija shfrytëzohet për qellim trafikimi brënda ose jashtë Shqiperisë ka kërkuar ndihmën e “Pa Gjurmë.