Gjendet Nesti Pina,Pa Gjurme zbulon arsyeja e zhdukjes/Pas aksidentit ra në koma,u gjet në Londër

23 Nëntor 2022, 18:38

Gjendet në Londër 7 muaj pasi humbi gjurmët Nesti Pina. Lajmin e konfirmoi për ’Pa Gjurmë’ në Report TV Makail Pina, i cili zbuloi dhe arsyen pse i vëllai kishte ndërprerë kontaktet me familjen. Një aksident i rëndë për pak sa nuk i ka marrë jetën 53-vjeçarit nga Roskoveci, i cili për 4 muaj me radhë ndodhej në koma në një spital në Londër. I vëllai sqaron se sot ai është në gjendje të stabilizuar shëndetësore, por ende nuk e ka kaluar traumën dhe pasojat në trup që i ka lënë ky aksident. ’Ne nuk e kemi ditur deri sot, kur mësuam cfarë kishte ngjarë. Vëllai ka pësuar një aksident në Londër dhe ka qëndruar 4 muaj në gjendje kome, pasi u godit nga një makinë. Për momentin është mirë por pasojat i ka ende. Nuk i ka ardhur si duhet kujtesa, ka sërish humbje të saj. Ka qenë vetë ai, i cili dy muaj pasi doli nga koma, i ka kërkuar personelit që ta dërgonin tek një bashkëfshatar i yni dhe ashtu kemi mundur të lidhemi. Edhe për momentin që flasim duket që ka ende probleme fizike. Në njërën këmbë ka të vendosur hekura, pasi ka pësuar dëmtime në trup. Ka dalë nga spitali dhe aktualisht ndodhet në Londër, në shtëpinë e një shokut tonë.Për momentin është duke u ndjekur ende nga mjekët dhe do të shohim si do të shkojë gjendja e tij shëndetësore, më pastaj patjetër që do të kthehet në Shqipëri’-u shpreh i vëllai 53-vjeçari Nesti Pina prej 4 vitesh jetonte në Britani, ndërsa ishte zhvendosur atje me dokumenta greke, pas divorcit me bashkëshorten pak vite më parë. Babai i dy fëmijëve i dha fund martesës pas afro 20 vitesh, ndërsa vetë u largua nga Greqia, duke u ndarë edhe me fëmijët e tij që tashmë jetojnë me nënën e tyre. Gjetja e Nestit ka qetësuar disi zemrën e nënës Vangjeli, e cila nuk rreshti së bëri apel për ndihmë në ’Pa Gjurmë’. E ndërkohë që njëri nga vëllezërit u gjet një tjetër djalë rezulton i humbur në familjen Pina. 74-vjecarja nënë e 5 djemve sot është në kërkim edhë të djalit tjetër Sandër Pina, i zhdukur nga Greqia në vitin 1998.

Programe të tjera

    Nuk u gjeten video për këtë program!

Shiko të gjitha