Pengu i vajzës, që solli në jetë 51 vite më parë dhe fshehja e një të vërtete e kthen pas në kohë 77-vjeçaren nga Tirana Lirije Islamajn, e cila sot kërkon ndihmën e emisionit 'Pa Gjurmë' në Report TV. Ajo mori guximin të zbulojë sekretin e jetës, duke bërë publike tradhëtinë e bashkëshortit të saj. Çifti Islamaj ishin prindër të një vajze, kur pranverën e vitit 1971 erdhi në jetë edhe një vajzë tjetër. Shpresa Islamaj u lind në maternitetin e vjetër në Tiranë. Gëzimit që solli në familje shumë shpejt do t’ja zinte vendin trishtimi. Nëna kërkoi të shihte të bijën, por nuk u lejua që ta takonte, ndërsa 3 ditë më pas kur ajo doli nga spitali informohet nga bluzat e bardha se foshnja kishte ndërruar jetë. Ky lajm i papritur nuk do të kalonte lehtë në jetën e Lirijes, e cila sot është në kërkim të së vërtetës. Bashkëshorti i Lirijes, Izmeti i pohoi se vajzën e kishte varrosur vetë ai, por duke ia mbajtur sekret vendin ku prehej foshnja. Vite më pas kur cifti u bënë prindër edhe të dy djemve Lirija zbuloi tradhëtinë e bashkëshortit. Rrëfimi i saj shkon edhe më tej kur 77-vjeçarja thotë se të dashurën e tij, bashkëshorti ia solli në shtëpi. Kur ishte shtatzënë ajo i kapa mat, por edhe pas këtij momenti ajo nuk i kërkoi divorcin. Kushtet e vështira ekonomike të nënës me tre fëmijë e detyruan të ’gëlltiste’ për gjithë jetën tradhtinë duke i qëndruar vetë besnike burrit të saj. Ai i kishte vendosur emrin e të dashurës vajzës për të cilën Lirija kërkon të mësojë të vërtetën. Besimi i saj ndaj bashkëshortit ishte përbysur duke mos kuptuar kurrë pse ai ia mbajti sekret varrin e foshnjes dhe dyshimi që Liria ka sot e kësaj dite është se vajza mund të jetë ende gjallë. Bashkëshorti ndërroi jetë 4 vite më parë dhe mori me vete sekretin, ndërsa sot 77-vjeçarja është në kërkim të së vërtetës. E moshuara dyshon se vajzën me emrin Shpresa Islamaj që e lindi në vitin 1971 ia fshehu burri bashkë me të dashurën. Pak kohë më parë Lirija nisi kërkimet privatisht duke iu drejtuar dyerve të institucioneve, por nuk ka mundur të mësojë asgjë deri më tani. E vetmja që di të vërtetën është një tjetër grua, ajo me të cilën Izmeti kishte patur një marrëdhënie të ngushtë përtej miqësisë. Sot Liria ka një mesazh për këtë zonjë që jeton në qytetin e Durrësit.