Lakër në furrë me perime dhe pançetë të tymosur
Përbërësit:
- 1 lakër e vogël
- 200 gr produkte sallamerie FIX
- 1 qepë e thatë
- 2 qepë të njoma
- 1 spec i kuq
- 1 spec jeshil
- 2 karrota
- 3 vezë
- 1 gotë kos
- 1 gotë qumësht
- 3 lgj miell
- ½ fç vaj
- 1 tufë majdanoz
- 1 tufë kopër
- Djathë i grirë
- Koncentrat perimesh
- Piper i kuq i ëmbël
- Kripë, piper i zi
Salca shoqëruese:
- 3 lgj kos natyral
- 3 lgj majonezë
- Koncentrat perimesh
- Majdanoz ose koper
Përgatitja:
Në një tenxhere me vaj shtojmë qepën e thatë të grirë imët, e spërkasim me kripë dhe e lemë të zbutet. Specat jeshil dhe të kuq i presim në kubikë dhe i kaurdisim së bashku me qepën. Më pas shtojmë karrotën e grirë në rende, lakrën e prerë hollë sikurse dhe qepët e njoma. Vazhdojmë kaurdisjen derisa të ulet vëllimi i lakrës, më pas rregullojmë shijen me kripë dhe piper dhe shtojmë pançetën e tymosur, salçiçe, suxhuk (një miks proshimesh sallamerie) të prera në kubikë. E lëmë gatimin në zjarr për 5 minuta dhe e spërkasim me majdanoz.
Miellin e trazojmë më qumështin, kosin, vezët dhe vajin. Masën e përgatitur të lakrës e vendosim në një tavë dhe sipër shtojmë masën e kremit me qumësht, kos, miell dhe vezë. Në fund bëjmë një spërkatje të sipërfaqes së tavës me djathë të grirë dhe e vendosim në furrë të parangrohur në temperaturën 180 gradë Celsius. Pasi tava është pjekur e servirim shoqëruar me pak salcë të përgatitur me kos, majonezë, erëza, koper dhe majdanoz.
